Հայկական հոգով Դայան Սենդսը. NEWS.am STYLE-ի բացառիկ հարցազրույցը
20:14 18 հուլիսի, 2013Դայան Սենդսը ֆրանսիական դաշնակահարուհի, հաղորդավարուհի, դերասանուհի, մոդել է, ով արդեն հասցրել է համաշխարհային համբավ եւ ճանաչում ձեռք բերել: Նրա գեղեցկությունն ու խոշոր խաժ աչքերի հայացքը խելքահան են անում: Բայց ոչ բոլորին է հայտնի, որ նման արտաքինի տիրուհին զտարյուն հայուհի է, ում անունը Դիանա Շնորհիկյան է:
Չնայած զբաղվածությանն ու ճանաչվածությանը (աղջիկը նկարահանվել է նաեւ Եվա Լոնգորիայի հետ), Դայանը կարողացավ ժամանակ տրամադրել NEWS.am STYLE-ին:
Դուք դաշնակահարուհի եք, հաղորդավարուհի, երգերի հեղինակ, երգչուհի: Ո՞րն է Ձեր մեջ գերակշռում:
Ես սիրում եմ երաժշտություն գրել: Հենց այդ է իմ կյանքի նպատակը:
Ինչպե՞ս հայտնվեցիք մոդելային աշխարհում:
Պատահաբար: Երբեք չեմ մտածել դրանով զբաղվել: Ես այնքան էլ բարձրահասակ չեմ, բայց իմ լուսանկարները, պարզվում է, հարմար էին կոմերցիոն լուսանկարահանումների համար:
Իսկ ի՞նչ հագուստ եք հագնում առօրյայում:
Ես հիմնականում հագնում եմ սեւ գույնի հագուստ, արծաթե զարդեր՝ խաչի տեսքով եւ լայնեզր գլխարկներ: Այդ կերպ ինքնարտահայտվում է իմ ռոքերային էությունը:
Դուք երբեւէ նկարահանվե՞լ եք հայկական ամսագրերի համար: Եթե, այո, ինչպիսի՞ն են տպավորությունները:
Ես Հայաստանը ներկայացնում եմ «Les origines de la beauté» նախագծում: Այն UNESCO-ի հրաշալի ծրագիր է: Բացի այդ, նկարահանվել եմ «El Style» ամսագրի համար: Սա լուսանկարիչների եւ ոճաբանների հայկական խմբի հետ աշխատանքի իմ առաջին փորձն էր:
Կներկայացնե՞ք հրաշալի կազմվածքի գաղտնիքը:
Լավ սնունդ, շատ քուն եւ առողջ կենսակերպ:
Ի դեպ, հետաքրքիր ազգանուն է… Իսկ Sands կեղծանունը հայտնվեց, որովհետեւ Ձեր իսկական ազգանունը դժվա՞ր էր արտաբերել օտարներին:
Այո, ֆրանսիացիների համար չափազանց դժվար է կարդալ եւ արտաբերել իմ անունը:
Կարծում եք՝ ի՞նչ կա Ձեր մեջ հայուհուց:
Հայկական հոգին:
Զրուցեց Մարինա Ադուլյանը