Ամերիկացի դերասան Նիլ Պատրիկ Հարիսը կնկարահանվի «Մատրիցա» ֆիմի չորրորդ մասում, հայտնում է Meduza-ն՝ վկայակոչելով Variety-ն։ Առայժմ հայտնի չէ՝ ինչ կերպար կմարմնավորի Հարիսը։
Warner Bros. ստուդիան օգոստոսին հայտնել է «Մատրիցա»-ի չորրորդ մասը նկարահանելու ծրագրերի մասին։ Ֆիլմում ներգրավված են Կիանու Ռիվզն ու Քերի-Էն Մոսը, որոնք նկարահանվել են ֆիլմերի առաջին երեք մասերում։ Չորրորդ մասում կնկարահանվի նաեւ դերասան Յահա Աբդուլ-Մաթին II-ը («Մալիբուի փրկրարարները», «Ակվամեն»), որի մասնակցության մասին հայտնի է դարձել հոկտեմբերին։ Ֆիլմի ռեժիսորը Լանա Վաչովսկին է։
Նիլ Պատրիկ Հարիսն առավել հայտնի է «Ինչպես ես հանդիպեցի ձեր մայրիկին» եւ «Լեմոնի Սնիքետ. 33 դժբախտություն» սերիալներից։
Լուսանկարները՝ Getty images