«Ամեն տեսակի արատներ»
Քոլեջի պրոֆեսորը որոշում է ամբողջ թափով ապրել այն բանից հետո, երբ նրան ծանր ախտորոշում է կատարվում: Այսուհետեւ բոլոր արգելքները հանված են, իսկ գաղտնի ցանկությունները կարող են վերջապես իրականացվել:
Պրեմիերան՝ նոյեմբերի 7-ին:
«Չառլիի Հրեշտակները»
Տեսնենք՝ ռեմեյքն արդյոք հաջողվե՞լ է:
Խորհրդավոր Չառլիի գլխավորած Թաունսենդ մասնավոր դետեկտիվ գործակալությունը ամբողջ աշխարհում գրասենյակներ է բացում, եւ հիմա երկրագնդի տարբեր անկյուններում սուպերպրոֆեսիոնալ Հրեշտակների խմբերը՝ Բոսլիի ղեկավարությամբ, ապահովում են իրենց հաճախորդների անդորրն ու անվտանգությունը:
Էկրաններին կցուցադրվի նոյեմբերի 14-ին:
«Ford-ն ընդդեմ Ferrari-ի»
Քրիսթիան Բեյլը եւ Մեթ Դեյմոնը մեծ արագություն են խոստանում:
Ֆիլմը պատմում է ամերիկացի ավտոնախագծող Քերոլ Շելբիի եւ բրիտանացի խիզախ մրցարշավորդ Քեն Մայլզի փոխհարաբերությունների մասին: Նրանք միասին մարտահրավեր նետեցին կորպորացիաներին ու սեփական դեւերին, որպեսզի ստեղծեն բացարձակապես նոր սպորտքար, որը կարողացավ Ferrari-ի հետ մրցակցել 1960-ականների կեսին Ֆրանսիայում անցկացված աշխարհի առաջնությանը:
Կինոթատրոններում դիտեք նոյեմբերի 14-ին:
«Միդուեյ»
Ռեժիսորի բազկաթոռին է նստել Ռոլանդ Էմմերիխը, իսկ դա նշանակում է, որ մեզ համար վիպերգությունը երաշխավորված է:
Սա պատմություն է Երկրորդ աշխարհամարտի ժամանակ Խաղաղ օվկիանոսում տեղի ունեցած ամենամեծածավալ ու ռազմավարական մեծ կարեւորության ծովային ճակատամարտերից մեկի մասին: 1942 թվականի հունիսին ամերիկյան նավատորմը՝ ծովակալ Չեսթեր Նիմիցի հրամանատարությամբ ճապոնացիներին հաղթել է Միդուեյ աթոլի մոտ տեղի ունեցած ճակատամարտում, որը Խաղաղօվկիանոսյան պատերազմում առանցքային պահ էր:
Պրեմիերան՝ նոյեմբերի 14-ին:
«Սառը սիրտը 2»
Կարոտե՞լ եք Let it go երգին:
Աննան, Էլզան, Քրիսթոֆը, նրա հավատարիմ եղջերու Սվենը եւ երբեք չհոգնող ձնեմարդ Օլաֆը պետք է հեռանան Էրենդել հարմարավետ թագավորությունից եւ դեպի հյուսիս ավելի հեռու ուղեւորվեն, ճանապարհորդություն, որը հասցնելու է հնագույն լեգենդների ակունքներին եւ օգնելու է բացահայտել իրենց հայրենիքի անցյալին առնչվող գաղտնիքները:
Էկրաններին կցուցադրվի նոյեմբերի 28-ին:
Հաճելի դիտում
Նորայր Նազարյան