Էլթոն Ջոնն Էմինեմին փրկել է թմրամիջոցների գերդոզավորումից

Ամերիկացի ռեփեր Էմինեմը թմրամիջոցներից կախվածության դեմ պայքարի ընթացքում դիմել է բրիտանացի երաժիշտ Էլթոն Ջոնի օգնությանը։ Այս մասին նշվում է հիփ-հոփ կատարողի «Չեմ վախենում. Էմինեմի էվոլյուցիան» (Not Afraid: The Evolution of Eminem) կենսագրականում, հայտնում է Daily Mail-ը։

2007թ.-ին Էմինեմը ծայրահեղ ծանր վիճակում հայտնվել է հիվանդանոցում «Vicodin» ուժեղ ազդեցություն ունեցող ցավազրկողից գերդոզավորման պատճառով։ Նշվում է, որ ռեփերը «դեղաչափ էր ընդունել, որը համարժեք է հերոինի չորս փաթեթի»։ Կախվածությունից բուժման ընթացքում ռեցիդիվի երկու դեպքից հետո նա որոշել է դիմել Էլթոն Ջոնի օգնությանը, որն այդ պահին արդեն 30 տարի թմրամիջոցներ չէր օգտագործում։ Արտիստները յուրաքանչյուր շաբաթ կապ էին հաստատում միմյանց հետ եւ արդյունքում մտերիմ ընկերներ են դարձել։

Էմինեմը «Vicodin»-ի մասին բազմաթիվ անգամներ հիշատակել է իր երգերում։ Մասնավորապես, դեղամիջոցի մասին նշվում է «Deja Vu», «Old Time’s Sake», «Kill You» եւ «Going Through Changes» կոմպոզիցիաներում։

Հոկտեմբերին հայտնի է դարձել Էլթոն Ջոնի նոր ինքնակենսագրականի մասին, որում վերջիս պատմել է քայլերի մասին, որոնք արվել են կոկաինի ազդեցության ներքո։ Արտիստը, մասնավորապես, հանել է հագուստը տեսախցիկի առաջ եւ հարվածել իր մենեջերին։

Աղբյուրը՝ Lenta.ru

Լուսանկարները՝ FRANK MICELOTTA/GETTY IMAGES, Reuters/Gary Hershorn