Սելենա Գոմեսը ցանկանում է ընկերանալ նախկին սիրելիների ընկերուհիների եւ հատկապես Բելա Հադիդի հետ

Սելենա Գոմեսը մեկ տարվա դադարից հետո կրկին սկսել է ակտիվորեն վարել սոցիալական ցանցերի էջերը։ 27-ամյա երգչուհին նախ որոշել է փակել «պատերազմի էջը» 23-ամյա Բելա Հադիդի հետ։

Երկուսն էլ տարբեր ժամանակներում հանդիպել են եթովպացի երգիչ Էյբել Թեսֆայեի (The Weeknd) հետ։ Բելան երաժիշտի հետ հարաբերություններ է ունեցել 2015-2017թթ.։ Մոդելից բաժանվելուց հետո Էյբելը սիրավեպ է սկսել Սելենայի հետ, որը նրա գրկում մխիթարվում էր Ջասթին ԲԻբերից բաժանումից հետո։

Գոմեսի եւ Թեսֆայեի հարաբերությունները երկար չտեւեցին,եւ երաժիշտը կրկին հաշտվեց Հադիդի հետ։ Այս ամբողջ ռոմանտիկ պատմության ընթացքում Սելենան եւ Բելան ձգտում էին չհանդիպել միջոցառումների ընթացքում եւ դադարել էին միմյանց հետեւել սոցիալական ցանցերի էջերում։ Բաժանումից հետո Սելենան հանրային կերպով դիմել էր մոդելին եւ նրան խնդրել զգույշ լինել։ «Բելա, նա քեզ մոտ է վերադարձել միայն ինձ ցավեցնելու համար։ Մի վստահիր նրան, նա երկակի խաղ է խաղում»,- կոչ էր արել Գոմեսը։ Հադիդը նախընտրել էր արհամարհել այդ խոսքերը։ Ամռանն աստային զույգը կրկին բաժանվել է։

Երկու անհաջող սիրավեպերից հետո The Weeknd-ը գերադասել է միայնությունը. նա Instagram-յան էջ չունի եւ գրեթե հարցազրույցներ չի տալիս։ Փոխարենը նրա նախկին սիրելիները մտադիր են վերականգնել ընկերական հարաբերությունները։

Իր բարյացակամ վերաբերմունքի մասին առաջինը հայտնել է Հադիդը։ Նա հավանել է Սելենայի լուսանկարը, որն արվել էր Կաննի կինոփառատոնի կարմիր գորգի ընթացքում։ Օրերս Գոմեսը որոշել է նույն կերպ պատասխանել նրան։ Դերասանուհին կրկին սկսել է հետեւել Բելային Instagram-ում։

Երկու աստղերի երկրպագուները հույս ունեն, որ նրանք կկարողանան ընկերանալ եւ անցյալում թողնել վիրավորանքը։ «Վաղուց ժամանակն է, որ նրանք ընկերանան։ Երկուսն էլ հիանալի բնավորություն ունեն եւ կոնֆլիկտային չեն», «The Weeknd-ի երկու սիրելի կանայք միավորվել են։ Կարծես թե նա կարող է սկսել անհանգստանալ»,- կատակել են երկրպագուները։

Իսկ առհասարակ Սելենան ծրագրում է հարթել հարաբերությունները նախկին ընկերների սիրելիների հետ։ Նա պաշտպանել էր Հեյլի Բոլդուինին, որը հալածանքի է ենթարկվել երկրպագուների կողմից։

Աղբյուրը՝ Cosmo