Արքայազն Հարրին եւ Մեգան Մարքլը պլանավորում են երկրորդ երեխային
16:13 9 նոյեմբերի, 2019Արքայազն Հարրին ակնարկել է, որ Մեգանի հետ իրենք արդեն սկսել են մտածել երկրորդ երեխայի ծնունդի մասին։ Օրերս թագավորական ընտանիքի ներկայացուցիչներն այցելել են զինծառայողների ընտանիքներին, որոնց տղամարդիկ տանից հեռու են ծառայում:
Դուքսն ու դքսուհին հաճույքով շփվել են զինվորականների կանանց հետ եւ խաղացել նրանց երեխաների հետ, իսկ Հարրին սկսել է հարցաքննել նրանցից մեկին, թե ինչպես է կարողանում հաղթահարել երկրորդ երեխայի հետ կապված դժվարությունները։ Կնոջ խոսքով՝ արքայազնը շատ կոնկրետ հարցեր է տվել, այդ պատճառով նա եզրակացրել է, որ Հարրին եւ Մեգանը լրջորեն մտածում են մոտ ժամանակներս երկրորդ երեխա ունենալու մասին: Հավանաբար, նրանք չեն ցանկանում, որ Արչին եւ նրա եղբայրը կամ քույրը տարիքային մեծ տարբերություն ունենան:
Հիշեցնենք, որ արքայազն Հարրին եւ Մեգան Մարքլն առաջին անգամ ծնողներ են դարձել այս տարվա մայիս ամսվա սկզբին։ Ծնվել է Արչին՝ նրանց որդին: Երջանիկ ծնողները տղային արդեն արտասահմանյան ուղեւորությունների են տանում իրենց հետ, այդ թվում՝ Աֆրիկա։
Աղբյուրը՝ Eg