Քարդաշյան քույրերն անկեղծ հագուստով՝ People's Choice Awards մրցանակաբաշխությանը. +9 կիլոգրամը խորչընդոտ չէ Քիմի համար

19:39   11 նոյեմբերի, 2019

Լոս Անջելեսում` Սանտա Մոնկայի Barker Hangar դահլիճում, տեղի է ունեցել People's Choice Awards ամենամյա մրցանակաբաշխությունը: Այս իրադարձությունը չէին կարող բաց թողնել Քարդաշյան քույրերը մայրիկի՝ Քրիս Ջենների հետ, որոնք անիջապես բոլորի ուշադրությունը գրավել են իրենց նկատմամբ: Զարմանալի չէ. հայուհիները միջոցառման համար բավական անկեղծ կերպարներ էին ընտրել:

Երեկոյի համար ավագ քույրը՝ Քորթնին, փայլուն կոստյում է ընտրել, որը ցուցադրում էր սեւ կրծկալը: Քլոեն թափանցիկ կտորից տոպ է կրել, որը ցուցադրում էր ոսկեգույն կրծկալը, ինչպես նաեւ խորը կտրվածքով շրջազգեստ:

Իսկ Քիմը, որը վերջերս բողոքում էր, որ գիրացել է գրեթե տաս կիլոգրամով, չի դավաճանել իր նորաձեւ սովորություններին ոեւ կրել է Versace-ի` օձի պրինտով, բավական անկեղծ զգեստը:

Wday պարբերականն ուշադրություն է դարձրել, որ գիրացած կիլոգրամները հավաքվել են ոչ թե որովայնի եւ ազդրերի հատվածում, ինչպես կարելի է մտածել: Որովայկն նկատելի չէր։ Հնարավոր է՝ դա ձգող ներքնազգեստի արդյունքն է, որը Քիմը կրում է նույնիսկ լայն տաբատի հետ: Իսկ աստղի կուրծքն ակնհայտորեն չէր տեղավորվում անկեղծ դեկոլտեում:

Քիմի ոտքերը եւս, որոնք նկատելի էին զգեստի կտրվածքի արդյունքում, դժվար է նրբագեղ անվանել։ Կոշիկների փոկերն այնքան կիպ էին սեղմում դրանք, որ աստղի ոտքերը նմանվել են կիպ ցանցով պատված երշիկի։

Բայց անկախ դրանից հնարավոր չէ ժխտել, որ Քարդաշյան քույրերը վառ ու ոճային տեսք ունեին։

Լուսանկարները՝ John Salangsang/Shutterstock



© NEWS.am STYLE