Պլյուշչենկոյի եւ Ռուդկովսկայայի վեցամյա որդուն սպառնում են սպանել
14:12 15 նոյեմբերի, 2019Կրկնակի օլիմպիական չեմպիոն Եվգենի Պլյուշչենկոյի եւ պրոդյուսեր Յանա Ռուդկովսկայային որդուն համացանցում սպառնում են սպանել, հայտնում է «360»-ը՝ վկայակոչելով մարզիկին։
Հեռուստաալիքի տեղեկություններով՝ տղայի ծնողները հաղորդում են ներկայացրել ոստիկանություն, ստուգում է կատարվում։
/imgs/2019/02/22/08/2928835/72c80a01ffe97c3c8b1c063f1f200be20f2a22bd.jpg)
Վեցամյա Սաշային, որին համացանցում ճանաչում են Գնոմ Գնոմիչ կեղծանվամբ, սպառնալիքներ են ուղղվում սոցիալական ցանցերի միջոցով. օգտատերերից մեկը տղայի էջում անեծքներ է գրում եւ սպառնում դաժան պատժով։
Տեղեկատվությունը հաստատել է Պլյուշչենկոն. «Այո՛, դա ճիշտ է։ Մենք հաղորդում ենք ներկայացրել իրավապահ մարմիններին։ Կան ծառայություններ, որոնք զբաղվում են դրանով, այդ պատճառով մենք վստահել ենք պրոֆեսիոնալներին»։