«Գնացել էի պրեմիերայի»։ Անիմաստ «Չարլիի Հրեշտակները»
20:21 17 նոյեմբերի, 2019Այնպիսի տպավորություն է ստեղծվում, որ նոր ֆիլմեր շուտով ընդհանրապես չեն լինելու։
Քրիսթեն Ստյուարտի եւ գլխավոր դերերում հանդես եկող անհայտ դերասանուհիների մասնակցությամբ՝ «Չարլի հրեշտակները»: Կրկին հեգնական է, որ նրանք բոլորն էլ հաղթահարել են իրենց դերերը շատ ավելի լավ, քան Ստյուարտը։ Նրա խաղը՝ «Մթնշաղ» ֆիլմից ի վեր, ընդհանրապես չի փոխվել. նույն պատկերն է, ինչ 10 տարի առաջ էր։
Այս ֆիլմը կարելի է նկարագրել մեկ նախադասությամբ: Ընդհանուր առմամբ նորմալ է, եթե դուք ուշադրություն չդարձնեք սյուժեի վրա եւ մոռանաք, որ դա կարեւոր է ֆիլմում։ Հիանալի բնանկարներ, Արիանա Գրանդեի նուրբ ձայնով ականջ շոյող լավ սաուդնթրեք, հրեշտակների երկար ու սլացիկ ոտքեր, շքեղ փայլուն հագուստ. ուրիշ ի՞նչ է պետք:
Ախ, այո․ սյուժե, սցենար, դերասանական խաղ եւ ․․․ գոնե ինչ-որ իմաստ։
Սյուժե
Անտրամաբանականության եւ զառանցանքի փաթեթի մեջ դեռ պետք է որոնել։ Գոյություն ունի մի գաղտնի կազմակերպություն, որն իրեն կոչում է «Չարլի հրեշտակները»։ Այստեղ բոլորը ֆեմինիստուհիներ են, քանի որ այնտեղ աշխատում են միայն կանայք, իսկ բոլոր տղամարդիկ՝ հակառակորդներ են։
Դերասաններ
Խաղի հետ կապված ամեն ինչ տխուր է։ Քրիստեն Ստյուարտը «Մթնշաղից» տարիներ անց այդպես էլ դերասանական տաղանդ չունեցավ՝ նախկինի պես «պոկերֆեյսի» հետ խաղալով ինքն իրեն։ Իսկ Էլլա Բելինսկայան ամբողջ ընթացքում քայլում էր դեմքի նույն արտահայտությամբ: Մի խոսքով, Դուեյն Ջոնսոնն ու Վին Դիզելը նյարդայնացած ծխում են։
Երկխոսություններ
Ռեմեյքում առկա երկխոսություններն անիմաստ են, զզվելի հնչեղություն ունեն եւ չափազանց թերի։
Հումոր
Այնպիսի տպավորություն է, ասես ֆիլմի հումորները գրել են դեռահասները։
Էքշն
Էքշն տեսարաններն այնքան էլ տպավորիչ չեն․ քիչ դինամիկա ու բազմազանության, ինչպես նաեւ մարտերի բավականին աղքատիկ բեմադրություն։
Արդյունքը
2019թ․-ի «Չարլի Հրեշտակներ» ֆիլմն անճաշակ է, անպետք ռեմեյք, որը չի կարող ոչնչով ուրախացնել, այդուհանդերձ այն էլ խամրում է նախորդ երկու հին ժապավենների ֆոնին։
Հաճելի դիտում
Նորայր Նազարյան