Բռնվե՞լ են. Բրեդ Փիթը հանդիպում է դերասանուհի Ալիա Շոկատի հետ

Ամենանվիրված երկրպագուները մշտապես երջանկություն են ցանկանում իրենց կուռքին, այդ թվում անձնական կյանքում։ Բոլորովին վերջերս շատերն ուրախանում էին, որ բազմաթիվ բարդություններից հետո Կիանու Ռիվզը գտել է սիրուն, սակայն օգտատերեը երկար ժամանակ անգործ չեն մնացել. այժմ նրանք «խնամախոսում են» 55-ամյա Բրեդ Փիթին։

Երկրպագուները մի ամբողջ հետաքննություն են անցկացրել եւ պարզել, որ դերասանը կարող է հանդիպել 30-ամյա Ալիա Շոկատի հետ։ Համացանցային հետաքննիչներն ապացույցների պատկառելի բազա են հավաքել, որը հաստատում է, որ դերասանները միմյանց հետ երկար ժամանակ են անցկացնում։

Հանգստյան օրերին նրանց նկատել են Լոս Անջելեսի Wilding Cran թանգարանում ցուցահանդեսի ընթացքում։ Այցի պահը ֆիքսել է քաղաքագետ եւ պրոդյուսեր Մերիլ Մելիկա Դյուրանը, որը հոլիվուդյան դերասանին ներկայացրել է իր ընկերոջն ու նկարիչ Մարտինա Վերտմանին։

Ապա զույգը գնացել է ռեստորաններից մեկը ճաշելու, ուր կրկին հայտնվել է սիրողական պապարացիների տեսադաշտում. որոշ այցելուներ անմիջապես մոռացել են ուտելիքի մասին եւ սկսել գաղտնի նկարել Բրեդին ու Ալիային։

Ի դեպ, զույգին միասին են տեսնել մի քանի ամիս առաջ եւս։ Հոկտեմբերին նրանք միասին գնացել են կատակերգական շոուի եւ կուլիսներում սելֆի արել կատակերգու Մայք Բիրբիլյայի հետ։ Իսկ սեպտեմբերին գնացել են Իթան Կոենի «A Play Is a Poem» ներկայացմանը, որից հետո, ըստ ականատեսների վկայությունների, հեռացել են նույն մեքենայով։

Ընդ որում, կարծիքները համացանցում բաժանվել են։ Օգտատերերի մի մասը ենթադրել է, որ Բրեդն ու Ալիան պարզապես ընկերներ են, քանի որ ռոմանտիկ հարաբերությունների ոչ մի ապացույց՝ մեղմ գրկախառնություններ ու համբույրներ, լուսանկարներում չկա։ Դերասաններ առայժմ լռություն են պահպանում եւ չեն մեկնաբանում երկրպագուների ենթադրությունները։

Աղբյուրը՝ Spletnik

Լուսանկարները՝ Just Jared, Getty Images, The Daily Beast