«Ես ձեզ չեմ լսում». ինչպես է վերականգնվել Մաքսիմ Ֆադեեւի լսողությունը
12:49 22 նոյեմբերի, 2019Պրոդյուսեր եւ երգիչ Մաքսիմ Ֆադեեւն իր կյանքի մասին վավերագրական ֆիլմ է թողարկել, որում լիովին անկեղծ է։ Տարիներ առաջ նա լուրջ վնասվածք է ստացել, որը գրեթե ամբողջությամբ զրկել է նրան լսողությունից։ Նա բազմաթիվ անգամներ խոստովանել է, որ վախեցել է կորցնել կրկին երաժշտությամբ զբաղվելու հնարավորությունը։
«Ականջներումս սարսափելի սուլոցը երբեք չի լքում ինձ։ Ես լսողական լուրջ վնասվածք եմ ունեցել եւ խլացել։ Նյարդն անջատվել է։ Զրկվելով լսողությունից՝ ես հասկացա, որ զրկվել եմ կյանքից։ Ես, իսկապես, չէի ցանկանում այդպես գոյություն ունենալ»,- «Ես ձեզ չեմ լսում» վավերագրական ֆիլմում հիշում է պրոդյուսերը։
Նրան բուժել են լավագուն բժիշկները, սակայն այդպես էլ չեն կարողացել վերադարձնել լսողությունը։ Եվ այդ ժամանակ ճակատագիրը նրան պատահաբար հանդիպեցրել է չինացի բժշկի հետ։ Պրոդյուսերի խոսքով՝ այդ մասնագետը ժամանակին բուժում էր Բորիս Ելցինին, միայն թե վերականագնման ընթացքը ցավոտ էր։
Բժիշկն ասաց. «Եթե ես բուժեմ ցավոտ է լինելու, կդիմանա՞ս»։ Ֆադեեւը համաձայնել է։ «Եվ հենց այդ պահից սկսվեց իմ դժոխքը։ Երբ նա անցկացրեց առաջին էկզեկուցիան ասեղներով, նույնիսկ մատներս էին ծալվում ցավից։ Եվ ես արդեն ոչնչի չէի հավատում, քանի որ ինչ էլ անում էին, ոչինչ չէր օգնում։ Բայց հանկարծ մեքենայով գնում եմ, եւ ականջներումս ինչ-որ սուլոց է հայտնվում»,- պատմել է պրոդյուսերը։
Բարեբախատար, մի քանի սեանսից հետո լսողությունը վերադարձել է։ Հիմա հայտնի պրոդյուսերը լսում է, սակայն հաճախ նշում է, որ ստուդիայիում ստիպված է աշխատել հատուկ ականջակալներով։ Նա իրեն աշխարհի միակ մարդն է անվանում, որը երգում է բացարձակ լռության պայմաններում։ Հաճախ Ֆադեեւը ինքնահեգնանքով նշում է, որ հասկանում է՝ ինչ էր ստիպված լինում ապրել կոմպոզիտոր Լյուդվիգ վան Բեթհովենը։
Հիշեցնենք՝ վերջերս Ֆաքսիմ Ֆադեեւը հայտարարել է իր MALFA ապրանքանիշի բոլոր երաժիշտների հետ պայմանագիրը խզելու մասին, բացառապես երկուսից, որոնց հետ առկա են դատական վեճեր։
Աղբյուրը՝ Dni