Քեյթ Միդլթոնը լույս աշխարհ բերեց իր առաջնեկին
23:45 22 հուլիսի, 2013Քեմբրիջյան դքսուհի Քեյթ Միդլթոնը Լոնդոնի Սուրբ Մարիամ հիվանդանոցում լույս աշխարհ բերեց իր առաջնեկին: Այդ մասին հաղորդում է SKY News-ը: Քեյթը տղա է ունեցել:
«Նորին թագավորական մեծություն Քեմբրիջյան դքսուհին Քենսինգթոնյան պալատի ավտոմեքենայով մոտեցել է Սուրբ Մարիամ հիվանդանոցի Lindo թեւին»,- նշվում է պաշտոնական հայտարարության մեջ:
Միդլթոնը ծննդաբերեց այն կլինիկայում, որտեղ ծնվել է նաեւ նրա ամուսինը: Արքայազն Ուիլյամը ոչ մի քայլ չէր հեռանում կնոջից, իսկ ապագա մայրիկը ծննդաբերությունից առաջ հղիների համար յոգայի դասընթացների է հաճախել:
Նորածնին խնամելու է մանկաբույժ Բեթի Պարսոնը: Երբ զույգի առաջնեկը լույս աշխարհ եկավ, Բուքինգեմյան պալատի դարպասին կախված ցուցանակի միջոցով տեղեկացվեց այդ մասին:
Հիշեցնենք, որ օրերս հիվանդանոցի դռների առջեւ լրագրողները տեսախցիկներ էին տեղադրել, որպեսզի բաց չթողնեն պահը, երբ Քեյթ Միդլթոնը երեխան գրկում դուրս կգա հիվանդանոցից: