Վեց նշան, որ դուք խելացի կին եք

Ինքնախաբեությամբ չես զբաղվում

Չես խաբում քեզ ո՛չ մանրուքների, ո՛չ կարեւոր հարցերի դեպքում ։ Իմաստը՞։ Խնդիրը վաղ թե ուշ ստիպված ես լինելու լուծել, իսկ ինքնախաբեությունը կլանում է ռեսուրսը, որն անհրաժեշտ է դրա համար։ Օրինակ, եթե նա այդպես էլ չի զանգում, ուրեմն նրան դուր չես եկել եւ վերջ։ Երեւակայել, թե նա մեկնել է Հոնդուրաս՝ անսպասելիորեն հիվանդացած տատիկին օգնելու կամ կորցրել է քո հեռախոսահամարը կամ այնքան է սիրահարվել, որ ամաչում է քեզ զանգել, միայն քո ֆանտազիան է։ Եթե ինքնախաբեությամբ չես զբաղվում, հետո դրա հետեւանքներից չես տուժում։

Դու ֆիքսված չես տղամարդկանց վրա

Բնականաբար, դու նրանց սիրում ես։ Բայց դու, տղաներից բացի, նաեւ սիրում ես քո աշխատանքը, ընտանիքը, հոբբին։ Իհարկե, դու տղամարդիկ ունեցել ես եւ կունենաս։ Միգուցե անգամ գտել ես այն տղամարդուն, որի հետ պլանավորում ես անցկացնել մնացած կյանքդ։ Բայց դու չես կարծում, որ միայն այդ պահին դու կկայանաս որպես կին։ Դու կին կմնաս անգամ, եթե դուք բաժանվեք։ Եվ ամենակարեւորը․ դու երբեք խեղդող կին չես լինի, նրանցից, որոնք ամուսնուն շնչել չեն թողնում որովհետեւ կախված են նրանից։ Դու ինքնաբավ ես։

Դու հույզերով չես տարվում

Եթե դու երջանիկ ես, դու ուրախանում ես։ Եթե վատ ես զգում, դու տխրում ես։ Դու չես թաքցնում քո հույզերը եւ չես ճնշում դրանք, քանի որ հասկանում ես, որ դրանք քո էությունն են։ Իսկ ահա պրոֆեսիոնալ տառապյալ քեզնից դուրս չի գա, քանի որ դու չես չափազանցնում քո կորուստներն ու վիրավորանքները։ Ինքդ վերապրում ես ամեն բան ու մոռանում, տարիներով հին վերքը քրքրելու կարիք չկա։

Դու խորաթափանց ես

Իսկ դա նշանակում է, որ միանգամից ես տեսնում, թե երբ են քեզ խաբում, երբ է ինչ-որ մեկն իրոք իրեն վատ զգում, եւ դու օգնություն ես առաջարկում։ Դու տեսնում ես, թե երբ է դիմացինն,իրոք, երջանիկ, եւ դու դա բարձրաձայնում ես, քանի որ դա հաճելի է նրան։

Քո կերպարը ձեւավորված է

Դու գիտես, թե ինչն է քեզ սազում, իսկ ինչը՝ ոչ։ Դու գումար չես վատնում ռիսկային փորձերի վրա, որոնց մասին հետո կարող ես զղջալ։ Դու չես վազում նորաձեւության հետեւից, այլ հետեւում ես նրան։ Ընտրում ես այն, ինչ իդեալական է քո ոճի համար։ Անպայման մեկի վրա տպավորություն թողնելը քո խնդիրը չէ։ Քեզ համար կարեւորը ներքին եւ արտաքին ներդաշնակությունն է։ Կողքից թվում է, թե դու ոչ մի ջանք չես գործադրում քո գեղեցկության պահպանման համար, բայց դու իրականում միշտ ամենուր տեղին տեսք ունես։ Ճիշտ այնպիսի տեսք, որը պահանջում է իրավիճակը։

Դու ինքդ ես սահմաններ դնում

Քո կյանքի ցանկացած ոլորտում կան որոշ սահմաններ, որոնցից այն կողմ դու չես ուզում անցնել։ Կամ, ընդհակառակը, չես ուզում այնտեղ որեւէ մեկին թողնել։ Եվ այդ սահմանները փոխել ոչ ոքի չի հաջողվում։ Քեզ կարող են համոզել, կաշառել, շանտաժի ենթարկել կամ փորձել խաբել, բայց դա ժամանակի եւ ուժերի անիմաստ կորուստ է։ Որովհետեւ դու ինքդ գիտես, թե երբ, ինչու եւ ում համար կարելի է այդ սահմանները փոխել։

Աղբյուրը՝ hitgid.com