Ողջո՛ւյն:
Անցյալ անգամ մոռացա գրել Սասսի ջրի արդյունքի մասին: Այսպես ահա, չգիտեմ՝ ինչն է գաղտնիքը, բայց այն 4 օր գործածելուց հետո 2.5 կգ նիհարեցի: Բացի այդ, ջուրն օգնեց վերականգնել նիհարելու գործընթացը: Քաշս այլեւս կանգնած չէ, ես օրական գոնե 100 գրամ նիհարում եմ:
Նշանակում է՝ մարդիկ չեն խաբում այս ջրի հրաշալի բուժիչ հատկությունների մասին: Անձամբ ես խորհուրդ եմ տալիս:
Հիշեցնեմ բաղադրատոմսը:
Ձեզ անհրաժեշտ են.
- մոտ 2 լիտր ջուր;
- 1 թեյի գդալ քերիչով անցկացրած կոճապղպեղ (իմբիր);
- լավ մաքրած եւ շրջանաձեւ բարակ շերտերով կտրատած 1 վարունգ;
- շրջանաձեւ բարակ շերտերով կտրատած 1 կիտրոն;
- 10 հատ անանուխի փոքրիկ տերեւ (թարմ):
Բոլոր բաղադրիչները մեծ տարայում խառնում ենք, ամբողջ գիշեր թողնում սառնարանում: Մեկ օրվա ընթացքում ամբողջությամբ խմում ենք:
Պարզապես հիշեք, որ հարկավոր է այս ջուրը խմել 4 օր, իսկ հետո որոշ ժամանակ ընդմիջում անել:
Հաջողություն:
Անի