Off-White-ի հիմնադիր եւ Louis Vuitton-ի տղամարդկանց հավաքածուների գծով կրեատիվ տնօրեն Վիրջիլ Աբլոն հարցազրույց է տվել Dazed ամսագրին, որտեղ կանխատեսել է Streetwear-ի մոտալուտ մահը: Նրա խոսքով՝ դա տեղի կունենա հաջորդ տարի։
«Դեռ քանի մարզաշապիկ, սվիտշոտ եւ մարզակոշիկներ են մեզ հարկավոր։ Կարծում եմ, որ նրանց կփոխարինեն մեր իրական գիտելիքները, անձնական ոճը, վինտաժը․․․ Վինտաժային խանութներում կարելի է գտնել հիանալի հագուստ, որը պետք է պարզապես սկսել կրել։ Նոր իրեր գնելուց նորաձեւությունը կանցնի, մենք կսկսենք դիմել արխիվայիններին», - կարծում է դիզայները։
Վիրջիլ Աբլոն երկար տարիներ աշխատել է Nike-ի հետ՝ ստեղծելով բրենդի սպորտային կոշիկների բացառիկ տարբերակները: Նրա ամենակարեւոր ծրագրերից մեկը հանդիսանում է Champion ապրանքանիշի հետ համատեղ հավաքածուն՝ Չիկագոյի Ժամանակակից արվեստի թանգարանի ցուցադրության համար։