«Տարօրինակ տիկնիկ». Անջելինա Ջոլին խոստովանել է, որ իրեն գեղեցկուհի չի համարում

Դժվար է հավատալ, բայց 44-ամյա Անջելինա Ջոլին բարդույթներ ունի արտաքինի պատճառով։ Այդ մասին նա հայտնել է Urbanette պորտալին տված ընդարձակ հարցազրույցում։ Պարադօքս է, բայց Բրեդ Փիթի նախկին կինն ասում է, որ իրեն երբեք գեղեցկուհի չի համարել։ Ավելին, պարզվում է՝ նրա համար դժվար է ապրել հայտնիության պայմաններում. դերասանուհին չի սիրում հանրայնություն։

«Ինձ դուր է գալիս թաքնվել հերոսների ետեւում, որոնց մարմնավորում եմ։ Ես ցանկանում եմ հանրության հետ անկեղծ լինել։ Այնքան եմ ցանկանում ազատ լինել, բայց չեմ կարող։ Ես ամբողջ ընթացքում պայքարում եմ ցածր ինքնագնահատականի դեմ։ Երբեմն ես ինձ զվարճալի տիկնիկ եմ համարում»,- խոստովանել է դերասանուհին։

Երեխաներն Անջելինաին օգնում են իրեն պետքական ու սիրված զգալ։ «Տանը երեխաներն ինձ դիմավորում են գիշերազգետսով, ընդառաջ եմ վազում, գրկում են։ Այդ պահերին ես ինձ յուրահատուկ եմ զգում։ Երբ երիտասարդ էի, մտածում էի. «Աստված իմ, ես չմ կարողանա ինչ-որ մեկի մայրը լինել»։ Չգիտեի՝ արդյոք լավ մայր կլինեմ»,- ասում է Ջոլին։

Շատերը Ջոլիին չափազանց ինքնավստահ են համարում, բայց պարզվում է՝ այպես չէ։ «Ես վատ աղջկա տեսք ունեմ, եւ շատերն են կարծում, թե ես 100 տոկոսով այդպիսին եմ։ Բացի այդ՝ նրանց թվում է՝ ես ինչ-որ սարսափելի գաղտնիք ունեմ… Իրականում ես պարզապես գիտեմ, որ իմ «խելագար օրերը» դեռ առջեւում են։ Մի օր իմ երեխաները կհարցնեն. «Աստված իմ, մայրիկ, ի՞նչ ես անում»»,- ժպտալով ասել է դերասանուհին։

Լուսանկարները՝ EPA, Marco Provvisionato/IPA/Shutterstock, Matt Sayles—Invision/AP