«Ոչինչ չի փոխվել, էլի հավատում եմ Ձմեռ պապիկի գոյությանը». ամանորյա բլից՝ Մարիի հետ
13:05 2 հունվարի, 2020Արդեն երկու օր է՝ Հայաստանում վայելում ենք ամանորյա հրաշքը, որի մասին երազանքներն ու պատկերացումները յուրաքանչյուրիս մոտ տարբեր են: Թե ինչ է Նոր տարվա հրաշքը Մարի Ավանեսյանի համար, փորձել ենք պարզել բլից հարցերի միջոցով:
Ամանորն Ամանոր չէ առանց հրաշքի:
Ամանորը կցանկանայի դիմավորել Լապլանդիայում:
Սիրում եմ, երբ Ամանորի գիշերը նվերներ եմ տալիս եւ ստանում:
Չեմ սիրում, երբ Ամանորին ձյուն չի գալիս:
Երբ փոքր էի, մտածում էի... Ոչինչ չի փոխվել, էլի մտածում եւ հավատում եմ Ձմեռ պապիկի գոյությանը:
Ամենախենթ նվերը, որ խնդրել եմ Ձմեռ պապից, որ միշտ լինի ձմեռ եւ ձյուն:
Եթե ես լինեի Ձյունանուշ, կբարեխոսեի Ձմեռ պապիկին, որ բոլոր թափառական եւ մրսող շունիկներին տրամադրեր տաքուկ կացարան:
Ամեն տարվա սկզբին պարտադիր վերլուծում եմ նախորդ տարին եւ փորձում նոր տարվա ընթացքում դառնալ ավելի լավը, ավելի բարի եւ ամենակարեւորը՝ ավելի շնորհակալ:
Այս տարի Ձմեռ պապից խնդրել եմ… Դա թող մնա իմ եւ Ձմեռ պապիկի գաղտնիքը…
2020-ին ծրագրում եմ… Ապագա ծրագրերի մասին չեմ սիրում խոսել, խոսելու փոխարեն պետք է աշխատել, աշխատել եւ աշխատել:
Սյունե Առաքելյան
Լուսանկարները՝ Մարիի անձնական արխիվից