«Զույգ քույրիկ եմ ցանկացել ունենալ». ամանորյա բլից Հասմիկ Խոջյանի հետ

Դերասանուհի Հասմիկ Խոջյանը մինչ օրս հավատում է Ամանորի հրաշքին եւ նույն ոգեւորությամբ սպասում Ձմեռ պապի եւ Ձյունանուշի ժամանելուն: Դերասանուհու մյուս ամանորյա երազանքներն ու ցանկությունները՝ մեր բլիցում:

Ամանորն Ամանոր չէ առանց հրաշքների հավատալու:

Ամանորը կցանկանայի դիմավորել Լապլանդիայում:

Սիրում եմ, երբ Ամանորի գիշերն անդադար հրավառություն է լինում:

Չեմ սիրում, երբ Ամանորին տնից տուն են գնում:

Երբ փոքր էի, մտածում էի, որ եթե Ամանորի գիշերը խմեմ ամբողջ Կոկա Կոլան, Ձմեռ պապիկն ինձանից կնեղանա:

Ամենախենթ նվերը, որ խնդրել եմ Ձմեռ պապից...Զույգ քույրիկ եմ ցանկացել ունենալ, բայց արդեն ուշ էր ցանկությունս կատարելու համար:

Եթե ես լինեի Ձյունանուշ... Ես ավելի լավ է լինեմ, պարզապես, մանչուկ, որը սպասում է նվերներով լի Ձմեռ պապին ու Ձնունանուշին:

Ամեն տարվա սկզբին պարտադիր տվյալ տարին խորհրդանշող կենդանու ձայնն եմ հանում 3 անգամ:

Այս տարի Ձմեռ պապից խնդրել եմ, որ շատ առողջություն բերի:

2020-ին ծրագրում եմ իրականացնել տասնյակ նպատակներս:

Սյունե Առաքելյան

Լուսանկարները՝ Հասմիկ Խոջյանի Instagram-ի էջից