Ամերիկյան դերասանուհի Միշել Ուիլյամսը դարձել է Louis Vuitton-ի աքսեսուարների հավաքածուի գովազդային արշավի դեմքը: 32-ամյա աստղը ներկայացնում է աշուն-ձմեռ 2013/14 սեզոնի պայուսակներն ու աքսեսուարները:
Սա դերասանուհու առաջին խոշոր գովազդային գործարքն է՝ եթե հաշվի չառնենք Band of Outsiders ընկերության հետ համագործակցությունը: 2012 թվականի գարնանը նա գովազդում էր ամերիկյան ապրանքանիշի կանացի հագուստի հավաքածուն:
Լուսանկարների շարքն ու գովազդային հոլովակը Louis Vuitton-ի համար արել է լեգենդար լուսանկարիչ Փիթեր Լինդբերգը, ով հայտնի է իր սեւ-սպիտակ լուսանկարներով:
Louis Vuitton-ի գովազդային պաստառներում Ուիլյամսը ցուցադրում է երկու նոր՝ The W bag եւ Capucines պայուսակները: