Ավստրալիայի հրդեհների պատճառով Քայլի Ջեններն ու Քիմ Քարդաշյանը սկանդալի կենտրոնում են հայտնվել

Հայտնի մոդել եւ աշխարհի ամենաերիտասարդ միլիարդատեր Քայլի Ջեններին սկսել են քննադատել այն բանից հետո, երբ շաբաթ օրը նա ցուցադրել է Louis Vuitton ապրանքանիշի, 1480 դոլար արժողությամբ մորթուց տնային հողաթափերը, գրում է Super.ru-ն։

Սակայն ավելի վաղ նա կիսվել էր Ավստրալիայում մոլեգնող հրդեհի լուսանկարով եւ գրել. «Ավելի քան կես միլիարդ կենդանի արդեն սատկել է կրակի մեջ։ Դա կոտրում է իմ սիրտը»։  Ճիշտ է, քիչ անց ռեալիթի շոուի աստղը երկու կադրերն էլ հեռացրել է հրապարակումը, բայց համացանցը հիշում է ամեն ինչ ։

Բայց դա ավստրալացիներին հարվածող միակ հրապարակումը չէր: Իր լուսանկարներից մեկին կից Քայլին գրել էր. «Գտիր քո կրակը»։  Դա խիստ թեթեւամիտ էր կենգուրուների հայրենիքում մոլեգնող հրդեհների ֆոնին։ «Եթե ինչ-որ մեկին կրակ է հարկավոր, կարող եք վերցնել մեզ մոտից՝ Ավստրալիայից»,-պատասխանել է օգտատերերից մեկը:

Մինչ մեկնաբաններն Instagram-ում հարձակվել են Քայլիի վրա, Քիմը Twitter-ում պաշտպանությունն էր պահում։  Այնտեղ ողջ ընտանիքին մեղադրում էին, որ նրանք բավարարվել են միայն տխուր սմայլիկով եւ ոչ մի ֆինանսական օգնություն չտրամադրեցին։ «Ինձ ամենից շատ նյարդայնացնում է այն, որ Քարդաշյան-Ջեններ ընտանիքի անդամները սոցցանցերում խոսում են կլիմայի փոփոխության մասին, բայց իրենք ոչ մի կոպեկ չեն նվիրաբերում»:

Քիմը չի դիմացել եւ պատասխանել է քննադատություններին․ «Ամենից շատ ինձ զայրացնում է, որ մարդիկ մտածում են, թե իրենք գիտեն որքան ենք նվիրաբերել եւ որ մենք ամեն ինչ անում ենք հրապարակայնորեն»: