Սիրավեպ «վամպիր» խաղընկրոջ հետ, դեր՝ Ատոմ Էգոյանի էրոտիկ թրիլերում եւ ավելին. «Վամպիրի օրագրերի» աստղ Նինա Դոբրեւը նշում է 31-ամյակը
15:05 9 հունվարի, 2020«Վամպիրի օրագրերը» ամերիկյան հայտնի սերիալից հայտնի դերասանուհի Նինա Դոբրեւն այսօր՝ հունվարի 9-ին, նշում է ծննդյան 31-ամյակը: Գեղեցկուհի դերասանուհին հայտնի է ոչ միայն Էլենա Գիլբերտի կերպարով, այլեւ յուրահատուկ ոճով, սպորտային կառուցվածքով եւ էկրանային սիրավեպերով:
Նինայի երկրպագուների համար առանձնացրել ենք հինգ հետաքրքիր փաստ նրա մասին, որոնք հայտնի են ոչ բոլորին:
Եվ այսպես՝
Նինան կյանքի տարբեր փուլերում երեք տարբեր պետություններում է ապրել.
Դոբրեւը ծնվել է Բուլղարիայի մայրաքաղաք Սոֆիայում, սակայն երբ նա երկու տարեկան էր, ընտանիքով տեղափոխվում են Կանադա: Իսկ երբ արդեն Նինան որոշում է բռնել դերասանական ուղին, տեղափոխվում է Միացյալ Նահագներ:
Նա սիրում է պատրաստել զարդեր.
Դերասանուհին միշտ հետաքրքրված է եղել նորաձեւությամբ, եւ դա զգացվում է, երբ նրան լուսանկարում են պապարացցիները: Նա միշտ կատարյալ հագուկապով է լինում: Նինային հաճախ տեսնում ենք տարբեր զարդերով եւ աքսեսուարներով, որոնց մեծ մասն, ի դեպ, դերասանուհին ինքն է պատրաստում, երբ ազատ ժամանակ է ունենում: Չի բացառվում, որ ապագայում նա կներկայացնի իր բրենդային զարդերի հավաքածուն:
Դոբրեւը նկարահանման հրապարակում սիրավեպ է ունեցել երկու խաղընկերների հետ.
«Վամպիրի օրագիրը» սերիալում իր խաղընլերոջ՝ Դեյմոնին մարմնավորող Իեն Սոմերհոլդերի հետ Նինայի սիրավեպի մասին գիտեին բոլորը՝ ոչ միայն սերիալի երկրպագուներն, այլեւ շոու-բիզնեսի սիրավեպերին ակտիվորեն հետեւողները: Սակայն դա դերասանուհու միակ սիրավեպը չի եղել գործընկերոջ հետ: Նինան հանդիպել է նաեւ «Դեգրասի. գալիք սերունդ» ֆիլմաշարի իր խաղընկերոջ՝ Դենիել Քլարքի հետ:
Նա փոքրիկ դեր է ունեցել նաեւ Ատոմ Էգոյանի էրոտիկ ֆիլմում
2010 թ-ին Նինան փոքրիկ դերով հանդես է եկել հայ ռեժիսոր Ատոմ Էգոյանի «Քլոե» էրոտիկ թրիլերում, որի գլխավոր դերերում հանդես են եկել Ամանդա Սեյֆրիդը, Ջուլիանա Մուրն ու Լիան Նիսոնը: Ֆիլմում Դոբրեւը մարմնավորում Է Աննային:
Դոբրեւը հրաշալի երգում է.
Իր վոկալային տվյալները Նինան ցուցադրեց 2012 թ-ին՝ հանդես գալով Funny or Die երաժշտական հոկովակում: Հատկանշական է, որ հենց նա է եղել երգի հեղինակը:
Աղբյուրներ՝ Seventeen, The Talko, News24
Լուսանկարները՝ Նինա Դոբրեւի Instagram-ից եւ Getty Images