Մարգարիտա Սիմոնյանի հիանալի տղամարդկանց ցուցակում «հայտնվել է» նաեւ Լեոնարդո Դի Կապրիոն
13:13 11 հունվարի, 2020Ինչպես հայտնի է, RT-ի գլխավոր խմբագիր Մարգարիտա Սիմոնյանը Instagram-ում գեղեցիկ տղամարդկանց ցանկ ունի: Այդ վարկանիշում արդեն տեղ են գտել նրա ամուսինը՝ ռեժիսոր Տիգրան Քեոսայանը, տիեզերագնաց Լուկա Պարմիտանոն։
Այժմ հիթ-շքերթում իր արժանի տեղն է զբաղեցրել հոլիվուդյան հայտնի դերասան Լեոնարդո Դի Կապրիոն։
«Հրաշալի տղամարդկանց իմ վարկանիշային ցուցակում այսօր Լեոնարդո Դի Կապրիոն է, - գրում է Մարգարիտա Սիմոնյանը: -Իր զբոսանավի վրա նա հանգստանում էր Կարիբյան ծովում։ Նույն ծովում, բայց մեկ այլ զբոսանավով հանգստանում էր ֆրանսիացին։ Խմել ու ընկել էր։ Նավապետը հայտնել է, թե ինչ է տեղի ունեցել եւ որ ինքը չի կարողանում ուղեւորին գտնել։ Դի Կապրիոն որոնումների է գնացել եւ գտել ֆրանսիացուն։ Լեոնարդոն միակն էր, որն արձագանքեց արտակարգ ազդանշանին եւ, ի վերջո, փրկեց մարդուն»: