Հոլիվուդյան Հեմսվորթ եղբայրներից ամենակրտսերը՝ Լիամ Հեմսվորթը, այսօր՝ հունվարի 13-ին, նշում է ծննդյան 30-ամյակը: Ավստրալիացի դերասանն առավել հայտնի է «Հարեւանները», «Փղերի արքայադուստրը» սերիալներից եւ «Սոված խաղերը» ֆիլմի կերպարով:
Լիամի հայտնի եղբայրներն են հոլիվուդյան աստղեր Լյուկ եւ Քրիս Հեմսվորթները:
Ոչ պակաս հայտնի է նաեւ երիտասարդ աստղի անձնական կյանքը: 2009 թ-ից նա սկսեց հանդիպել երգչուհի Մայլի Սայրուսի հետ: Զույգի հարաբերություններն ու բաժանությունները մշտապես մեդիայի ուշադրության կենտրոնում էին, մինչեւ, որ 2018 թ-ին հայտնի դարձավ նրանց ամուսնության մասին, բայց մեկ տարի անց նրանք բաժանվեցին:
Այսօր ձեր ուշադրությանն ենք ներկայացնում Լիամ Հեմսվորթի մտքերից մի քանիսը:
«Իմ ամեն աշխատանքից ես նոր բան եմ սովորում եւ միշտ շնորհակալ եմ նրա համար, թե որտեղ եմ»:
«Հիմա ես երջանիկ եմ, որ մի յուրահատուկ բանի մասնիկ եմ կազմում: Որպես դերասան՝ կցանկանայի ինքս ընտրել այն սցենարները, որտեղ ինձ կտեսնեի»:
«Անկախ նրանից՝ էժան, թե թանկ բյուջեով ֆիլմում ես նկարահանվում, դու միշտ ցանկանում ես, որ, ի վերջո, ժապավենը հասանելի լինի հանրությանը եւ դուր գա մարդկանց իր ասելիքով»:
«Մենք բոլորս սխալվում ենք այնքան ժամանակ, մինչեւ սովորում ենք այդ սխալներից»:
«Անկեղծ ասած՝ ես էքստրավագանտ անձնավորություն չեմ: Երբեք մեծ գումարներ չեմ ծախսում ինձ վրա»:
«Ես շատ չարաճճի երեխա եմ եղել»:
«Խելագարվում եմ եղբայրներիս երեխաների համար. հետաքրքիր է՝ երբ դու հորեղբայր ես, դու նրանց պաշտպանն ես զգում»:
«Ինձ դուր է գալիս տեսնել, թե ինչպես են եղբայրներս մեծացնում իրենց երեխաներին, բայց դրան նայել կողքից եւ չունենալ նման պատասխանատվություն»:
«Ես գիտեմ, որ լավ մարդ եմ»:
«Եթե իմ կյանքում կա մի թուլություն, դա, իհարկե, ուտելիքն է»:
Լուսանկարները՝ Kevin Winter/Getty Images, Larry Busacca/Getty Images, marieclaire.nl