Դիետա, որը կօգնի թողնել ծխելը

Գաղտնիք չէ, որ ծխելը շատ վնասակար սովորություն է եւ կախվածություն է առաջացնում։ Շատ մարդիկ երկար տարիներ փորձում են ինքնուրույն հրաժարվել ծխելուց, բայց ապարդյուն։ Նրանք անգամ դիմում են հատուկ թերապիաների օգնությանը, բայց կրկին արդյունքը գոհացնող չէ։  Այսօր մենք ձեզ առաջարկում ենք հատուկ դիետա, որը կօգնի ձեզ թողնել ծխելը։

Իհարկե, այս վնասակար սովորությունից ազատվելն այնքան էլ հեշտ գործ չէ, եւ շատերը որոշում են, որ հենց վաղն այլեւս չեն ծխելու, բայց կախվածությունը «իր գործն անում է»։

Ծխելու սովորությունից հրաժարվելու առաջին եւ ամենակարեւոր պայմանը ճիշտ սնվելն է։ Առաջին հերթին պետք է արեւածաղկի սերմեր (չափավոր քանակությամբ), խնձոր եւ գազար օգտագործել։ Սուրճը հարկավոր է փոխարինել հանքային ջրով, թարմ քամած հյութով եւ կանաչ թեյով։

Մենյու

Նախաճաշին անհրաժեշտ է մեկ բաժակ վարսակ, ½ բաժակ դիետիկ կաթ եւ կանաչի թեյ օգտագործել։

Երկրորդ նախաճաշին (լանչին) կարող եք ուտել փոքր հացի կտոր եւ միրգ (խնձոր, նարինջ եւ այլն)։

Օգտակար կլինի, եթե օրվա ընթացքում բանջարեղեն, գազար եւ վարունգ ուտեք։

Ճաշի ժամին կարող եք ուտել հավի կրծքամսով, կիտրոնի հյութով, ձիթապտղի յուղով պատրաստված բանջարեղենային աղցան, ինչպես նաեւ մեկ բաժակ մրգային հյութ։

Քաղց զգալու դեպքում կարելի է գազարը, քաղցր պղպեղը, իմբիրը կամ բանանը խառնել կանաչ թեյով եւ փոքրիկ հացով ուտել։

Ընթրիքին կարելի է մեկ բաժակ քամած հյութ խմել, 250 գր. ձուկ (սաղմոն, ձողաձուկ) պատրաստել եւ150 գր. կանաչ լոբի։

Երեկոյան կարելի է նաեւ 1 բաժակ 1% կեֆիր ըմպել։

Աղբյուրը՝ Otvetin