Օրական 15 բաժակ թեյ, 300 ամսագրի շապիկ, հակակրանք սելֆիների հանդեպ. Քեյթ Մոսը դարձավ 46 տարեկան

18:05   16 հունվարի, 2020

Աշխարհահռչակ անգլիացի մոդել եւ պարզապես գեղեցիկ կին Քեյթ Մոսն այսօր՝ հունվարի 16-ին, նշում է ծննդյան 46-ամյակը:

Իր կարիերայի ընթացքում Քեյթը տարբերվել է իր նրբակազմութամբ եւ ինքնատիպ դիմագծերով, հայտնվել ամենահեղինակավոր ամսագրերի շապիկներին, մասնակցել ամենատարբեր նորաձեւության ցուցադրություններին ու գովազդային արշավներին եւ պարբերաբար հայտնվել սկանդալների կիզակետում:

Քեյթի կյանքի ամենահայտնի էջերին այսօր չենք անդրադառնա, փոխարենը ներկայացնում ենք մոդելի մասին 11 հետաքրքիր փաստ, որոնք քչերին են հայտնի:

Քեյթը թեյի մեծ սիրահար է, եւ օրվա ընթացքում 10-15 բաժակ թեյ է խմում:

Քեյթն իր կարիերայի ընթացքում հայտնվել է ավելի, քան 300 ամսագրերի շապիկներին:

1993 թ-ից սկսած մոդելը Vogue-ի շապիկին հայտնվել է մոտ 33 անգամ:

2008 թ-ին Քեյթն ինքն է գնել իր նշանադրության մատանին, քանի որ նրա ապագա ամուսինը՝ Ջեյմի Հինսը, չէր կարող իրեն նման շքեղություն թույլ տալ այն ժամանակ:

Նա Ջուդ Լոուի դստեր՝ Այրիսի կնքմայրն է:

Քեյթը չի սիրում անել սելֆիներ:

Մոդելը չի սիրում տեքստային հաղորդագրություններ գրել, քանի որ ինչպես ինքն է խոստովանել՝ այնքան էլ չի փայլում քերականական գիտելիքներով:

Նա միշտ փոխում է իր բջջայինի աքսեսուարներն այնպես, որ դրանք համապատասխանեն իր տվյալ օրվա հագուստին:

Մանոլո Բլանիկը նրա հարսանեկան կոշիկները 5 անգամ վերապատրաստել է, որպեսզի վերջնական արդյունքն ամբողջությամբ դուր գա Քեյթին:

Քեյթը երբեք դեն չի նետում իր հին զգեստները. Նա դրանք խնամքով պահում է իր դստեր՝ Լիլայի համար:

Նա բնական շիկահեր չէ:

Լուսանկարները՝ Instagram, Celebvogue.com, Rimmel, Pinterest, Getty Images, Just Jared, Swan Gallet/WWD/REX



© NEWS.am STYLE