Լեոնարդո դի Կապրիոն եւ Ռոբերտ դե Նիրոն կխաղան Սկորսեզեի նոր ֆիլմում

Լեոնարդո դի Կապրիոն եւ Ռոբերտ դե Նիրոն Մարտին Սկորսեզեի նոր՝ «Լուսնային ծաղկի սպանողները» (Killers of the Flower Moon) ֆիլմում կկատարեն գլխավոր դերերը։ Այս մասին հայտնել է դի Կապրիոն ԱՄՆ կինոդերասանների Գիլդիայի մրցանակաբաշխության (Screen Actors Guild Award) արարողության ընթացքում։

Դի Լապրիոն եւ դե Նիրոն բազմաթիվ անգամներ համագործակցել են Մարտին Սկորսեզեի հետ, սակայն առանձին-առանձին։ «Լուսնային ծաղկի սպանողները» կդառնա առաջին գեղարվեստական ֆիլմը, որում Սկորսեզեի սիրելիները միասին կհայտնվեն։

Ֆիլմը լրագրող Դեւիդ Գրանի «Լուսնային ծաղկի սպանողները» գրքի էկրանավորումը կլինի ԱՄՆ-ում նավթային տենդի իրադարձությունների մասին 1920-ական թվականներին։ Դրանում նկարագրվում է՝ ինչպես են քրեական խմբավորումները, որոնք հետաքրքրված են նավթի հանքատեղերի մշակմամբ, Օկլահոմա նահանգում սկսել հնդկացիների սպանել ամբողջ ընտանիքներով։ «Լուսնային ծաղկի սպանողները» ճանաչվել է ԱՄՆ-ում ազգային բեսթսելլեր եւ «New York Times»-ի բեսթսելլեր։

Սկորսեզեն ծրագրում է Օկլահոմայում նկարահանումները սկսել այս գարնանը Էրիկ Ռոթի սցենարով («Աստղը ծնվեց», «Ֆորեսթ գամփ»)։

Աղբյուրը՝ Esquire