2020 թվականը մեզ մեծ թվով նոր սերիալներ է առաջարկում, որոնցից մի քանիսը խորհուրդ ենք տալիս դիտել: Եթե նոր սերիալների մասին հոդվածի առաջին մասը բաց եք թողել, կարող եք ծանոթանալ այստեղ: Իսկ մենք շարունակում ենք…
«Վիկինգներ»
Սկանդինավյան անողոք ռազմիկների մասին պատմական դրաման իր ճանապարհը մեկնարկել է 2013 թվականի մարտի 3-ին:
Յարլ Ռագնար Լոդբրոկի եւ նրա ժողովրդի մասին պատմությունը կարողացել է կատարել գործնականում անհնարինը, կոնկրետ՝ դառնալ «Գահերի խաղի» մրցակիցը եւ ընդ որում՝ չմնալով նրա ստվերում:
Օդին աստծո անողոք ժողովրդի արկածները հանդիսատեսին փոխանցել են շատ ուժեղ էմոցիոնալ եւ էպիկական պահեր, ինչպես նաեւ մեծաթիվ խարիզմատիկ հերոսներ ու հերոսուհիներ:
«Վիկինգների» վերջին սերիան թողարկվելու է 2020 թվականի գարնանը:
«Լյուցիֆեր»
Ֆենթեզի-դրամա ժանրի սերիալը փոքր էկրաններին է հայտնվել 2016 թվականի հունվարի 25-ին: DC կոմիքսից հերոսի, ընկած հրեշտակի եւ տարատարոսի տիրակալի մասին շոուն, որը հոգնել է իր պարտականություններից եւ փախել է երկիր, այսպես ասած, անժամկետ արձակուրդի, հանդիսատեսին անմիջապես դուր եկավ:
Սերիալի հանրաճանաչության վրա առանձնապես ազդել է հոյակապ դերասանական խաղը, դե նաեւ գլխավոր դերակատար Թոմ Էլիսի հմայքը եւս արժե հաշվի առնել:
Զարմանալի չէ, որ երբ Fox ալիքը որոշեց շոուն փակել, երկրպագուներն այնպիսի աղմուկ բարձրացրին, որ սերիալի իրավունքը գնեց Netflix սթրիմինգային ծառայությունը եւ սերիալը շարունակեց:
«Լյուցիֆերի» վերջին սերիան կթողարկվի, հավանաբար, 2020 թվականի առաջին կեսին:
«Գերբնականը»
Միստիկական-արկածային դրաման հանդիսատեսին ուրախացնում է 2005 թվականի սեպտեմբերից: Վինչեսթերներ երկու եղբայրների արկածները նրանց ուր ասես չեն տարել հանդիսատեսի հետ միասին:
Մարտնչելով տարբեր հրեշների, դեւերի, հրեշտակների դեմ, ընդհուպ իր՝ Սատանայի դեմ, մեր եղբայրները հասունացել են մեզ հետ միասին:
Սերիալն իր ժանրում ամենաերկարատեւն է, եւ եթե չլիներ շոուն ավարտելու մասին գլխավոր հերոսների դերակատարների որոշումը, այն կարող էր շարունակվել եւս մի քանի տարի: Բայց ամեն ինչ վերջ ունի, իսկ մեզ մնում է միայն ըմբռնել շոուի ոչ պաշտոնական նշանաբանը՝ «Ճանապարհն այնքան հեռու է»:
«Գերբնականի» վերջին սերիան թողարկվելու է 2020 թվականի մարտի 23-ին:
Հաճելի դիտում
Նորայր Նազարյան