Դմիտրի Խառատյանը 60 տարեկան է. հայկական ազգանվամբ կապուտաչյա շիկահերը նշում է հոբելյանը
15:59 21 հունվարի, 2020Ռուսաստանի ժողովրդական արտիստ, միշտ երիտասարդ Դմիտրի Խառատյանը դառնում է 60 տարեկան։ Հայկական ազգանվամբ ու սլավոնական արտաքինով կապուտաչյա շիկահերը հասցրել է ստիպել իրեն սիրահարվել գեղեցիկ սեռի ներկայացուցիչների բազմաթիվ սերունդների։
Պարզվում է՝ տոնը երկակի է. 45 տարի առաջ նա առաջին անգամ հայտնվել է էկրանին՝ Վլադիմիր Մենշովի «Խաղարկություն» դրամայում ավագ դասարանի աշակերտի դեր խաղալով։ Դրանից հետո Դմիտրին բառացիորեն արթնացել է հայտնի դարձած։
Սակայն իսկական սեր նրան բերել է «Գարդեմարիններ» ֆիլմում Ալյոշա Կորսակի դերը։ Միայն թե ի սկզբանե այլ արտիստ էր ընտրվել, եւ արդեն իսկ նկարահանումներ էին ընթանում, երբ ռեժիսոր Սվետլանա Դրուժինինան վերջապես գտավ դերասանին, որը կարող է ոչ միայն դերի մեջ մտնել այլեւ կատարել գլխավոր երգը։
««Կանաչ ֆուրգոն» ֆիլմում ես արդեն իմ ձայնով էի երգում։ Ես մտա ու երգեցի։ Եվ Սվետլանա Սերգեեւնային դուր եկավ։ Ընդ որում նրան այնքան է դուր եկել, որ նա ինձ դերի համար հաստատել է այդ երգերի շնորհիվ»,- «Առաջին ալիքի» լրագրողներին պատմել է դերասանը։