Պուգաչովայի ու Գալկինի դուստրը երգել է ֆրանսերենով

Մաքսիմ Գալկինը հաճախ է Instagram-յան էջում երկվորյակներ Լիզայի ու Հարիի մասնակցությամբ տեսանյութեր հրապարակում։ Օրերս 43-ամյա արտիստը հոլովակներ է հրապարակել, որոնցում պատկերված է՝ ինչպես են նրանք երաժշտությամբ զբաղվում ուսուցչի հետ. փոքրիկները երգում են ֆրանսերենով դաշնամուրի ուղեկցությամբ։

View this post on Instagram

A post shared by Максим Галкин (@maxgalkinru) on Jan 20, 2020 at 11:07pm PST

Գալկինը նախ տեսանյութ է հրապարակել, որում Հարին կատարում է Սալվատորե Ադամոյի «Tombe la neige» երգը, ապա կիսվել է Լիզայի փորձից մի հատվածով. նա կատարում է Ջո Դասենի «Les Champs-Elysees» կուլտային երգը։ Հոլովակի ռեժիսորն ու օպերատորն Ալլա Պուգաչովան է։ «Դիմանո՞ւմ ես։ Սկսիր»,- նախքան ելույթը դստերը ոգեւորել է Պուգաչովան։

Երգի ավարտին Լիզան նաեւ պարել է մայրիկի համար, որն ի պատասխան գովել է նրան եւ մեղմ համբույր նվիրել։ Ֆրանսերենով երգով հիացած են ինչպես շատ երկրպագուներ, այնպես էլ Գալկինի ու Պուգաչովայի աստղային ընկերները։ Նրանց թվում են Ֆիլիպ Կիրկորովը, Լերա Կուդրյավցեւան, Իգոր Նիկոլաեւը։

View this post on Instagram

A post shared by Максим Галкин (@maxgalkinru) on Jan 21, 2020 at 5:28am PST

«Լիզոչկան պարզապես անհավանական է։ Հնարավոր չէ չսիրել նրան»,- Լիզայի երաժշտական համարի մեկնաբանություններում գրել է Իգոր Նիկոլաեւը։ Ի դեպ, 6 տարեկան երեխաները ոչ միայն ֆրանսերենի դասեր են անցնում, այլեւ տարբեր զարգացնող պարապմունքների գնում՝ ուժերը փորձելով ռեփի ասպարեզում եւ նույնիսկ յոգայով զբաղվում։