Այսօր` հունվարի 31-ին, իր ծննդյան 39-ամյակն է նշում ամերիկացի հայտնի երգիչ Ջասթին Թիմբերլեյքը: Երգիչը հայտնիություն ձեռք է բերել ‘N Sync. խմբի կազմում: Ավելի ուշ նա իր սոլո կարիերան է սկսել՝ նվաճելով երաժշտական բոլոր հնարավոր պարգեւները: Նա 4 անգամ արժանացել է «Էմմի» եւ 9 անգամ` «Գրեմմի» մրցանակների:
Ջասթինը նաեւ դերասան է: Նրա մասնակցությամբ ամենահայտնի ֆիլմերն են` «Ժամանակը», «Ընկերներ` հանուն շահի», «Շատ վատ ուսուցչուհին», «Նրանք փոխվել են տեղերով» եւ այլն, Նա նաեւ հնչունավորել է տրոլլ Բրանչին՝ «Տրոլլները» մուլտֆիլմում:
Այսօր ձեր ուշադրությանն ենք ներկայացնում Ջասթին Թիմբերլեյքի ամենաոգեշնչող մեջբերումներից մի քանիսը.
«Մի լսեք այն մարդկանց, ովքեր ասում են՝ ավելիին ձգտելն ագահություն է: Ոչ մի սխալ բան չկա նրանում, որ դու ցանկանում ես կատարելագործվելով ոգեշնչել միլիոնավոր մարդկանց՝ փոխելով նաեւ նրանց կյանքն ու տեսակետը»:
«Եթե քեզ դուր չի գալիս այն, ինչ անում ես եւ աշխատում ես միայն գումարի համար, դու շուտով կհիասթափվես եւ կհանձնվես»:
«Ինձ դաստիարակել են այնպես, որ փողի մասին խոսելը սխալ բան է. դա չէ, որ պետք է ոգեշնչի մեզ կյանքում»:
«Մենք մշտապես պետք է մեր հայացքը հառենք երկնքին, իսկ ոտքերը ամուր պահենք գետնին: Մարդ երբեք չի կարող հասնել այնպիսի բարձրունքի, որ իրավունք ունենա ստորադասելու մեկ ուրիշին»:
«Դու չես կարող տարբերություն ստեղծել, եթե ինքդ տարբերվող չես»:
«Մարդ ստեղծված չէ, որ գնա հեշտ ճանապարհներով: Մարդը միշտ պետք է ինքն իրեն մարտահրավերներ նետի»:
«Սեքսուալությունն, իմ կարծիքով, ճիշտ մատուցման մեջ: Ես, օրինակ, մեծ քիթ ունեմ, բայց շատ սեքսուալ եմ այն կրում»:
«Աշխարհում ամենաձանձրալի բանը լռությունն է»:
Լուսանկարները՝ Carie Nelsin/ImageCollect, Courtesy of RCA Records, James Gorley/REX?Shutterstock