Վենսան Քասելի եւ Մոնիկա Բելուչիի դուստրը դարձել է D&G-ի նոր բույրի դեմքը
23:14 31 հունվարի, 2020Վենսան Քասելի եւ Մոնիկա Բելուչիի 15-ամյա դուստրն իսկական գեղեցկուհի է։ Աղջիկը համարվում է ամենահեռանկարային երիտասարդ մոդելներից մեկը: Իր Instagram–ում նա կիսվել է նոր նախագծով. նորաթուխ աստղը դարձել է Dolce Shine նոր բույրի դեմքը, որի ոգեշնչումը դարձել են Ամալֆիի ափի ծաղկային այգիները:
Նոր բույրի հիմքում ծաղկային-մրգային կոմպոզիցիան է՝ հյութալի սերկեւիլի, մանգոյի, գրեյպֆրուտի, հասմիկի եւ ֆլերդորանժի նոտաները, որոնք միահյուսվում են ճանդանի եւ մուշկի, աղի եւ փայտային երեւէջների բույրի հետ, գրում է ուկրաինական Vogue-ը:
Բույրը ստեղծվել է պարֆյումեր Մարի Սալամանի կողմից, որը հայտնի է Guerlain-ի, Jo Malone-ի, Maison Martin Margiela-ի, Mugler-ի, Salvatore Ferragamo-ի եւ Yves Saint Laurent-ի հետ համագործակցությամբ: Dolce Shine սրվակն ունի նույն ձեւը, ինչ հավաքածուի նախորդ բույրերը։ Dolce Shine-ը վաճառքի կհանվի 2020 թվականի գարնանը։
