Դաուտցեն Քրեզի իդեալական մարմնի գաղտնիքները

15:06   9 փետրվարի, 2020

Վերջերս հայտնի սուպերմոդել Դաուտցեն Քրեզը նշել է 35-ամյակը եւ հերթական անգամ երկրպագուներին ապացուցել, որ յուրաքանչյուր տարի առավել հիասքանչ ու երիտասարդ է դառնում։ Նայեք նրա լուսանկարներն Instagram-ում. մոդելի մարմինը հիացմունքի է արժանի։ Կազմվածքն այսպիսի հիանալի վիճակում պահելու համար նա ճիշտ է սնվում, ակտիվ կենսակերպ վարում եւ հոգ տանում իր մասին, գրում է Elle-ը։ 

Սննդակարգ

Դաուտցեն Քրեզն ամենից հաճախ նախաճաշի ընթացքում գերասադում է շագանակագույն շաքարով եւ քիչ քանակով վարսակի կաթով մի բաժակ սուրճ խմել։ Ապա նա պարտադիր տարատեսակ վիտամիններ է օգտագործում։ Նախաճաշին նա կարող է պարզապես հազարով,  կանաչ մրգերով, բանջարեղենով ու հատապտուղներով «կանաչ» սմուզի խմել։ Լանչին նա սիրում է ավոկադոյով տոստ ուտել՝ հազարի տերեւներով ու ընկույզի յուղով։

Ուտելու ընթացքում Դաուտցենը մշտապես մի կողմ է դնում հեռախոսը եւ չի շեղվում այլ գադջեթներով զբաղվելով՝ կարծելով, որ այս վատ սովորությունը սնունդին խանգարում է ճիշտ յուրացվել, առավելագույնս հաճույք ստանալ ուտելիքից։

Ընթրիքին մոդելը սիրում է տարբեր աղցաններ ուտել, օրինակ՝ կիոնայով ու բատատով աղցան, որին ավելացնում է լոլիկ, վարունգ, հազարի տերեւներ, ռուկոլա, սոխ, սխտոր, իմբիր, լոբազգիներ եւ չոր բույսերի խառնուրդներ։ Կարող եք ընտրել կամ փոխել բաղադրիչներից յուրաքանչյուրը։ Որպես այլընտրանք՝ Դաուտցենը երբեմն պաստա է պատրաստում՝ ավելացնելով ձիթապտղի յուղ, սխտոր եւ ռուկոլա։

Նա բուսական սնունդ է օգտագործում, բայց ուտում է նաեւ միս, արագ սնունդ եւ քաղցրավենիք. ցանկացած անգամ ուտելիս չափաբաժինը բավական համեստ է, այդ պատճառով Դաուտցզենը երբեք չի բախվում չափից շատ ուտելու կամ սննդային վարքի խանգարման խնդիրներին։

Ֆիթնես

Մոդելն ամեն օր սպորտով է զբաղվում։ Հարցազրույցներում Դատուցենն աղջիկներին կոչ է անում պարզապես ակտիվ լինել կյանքում, օրինակ՝ աստիճանները միշտ ոտքով բարձրանալ, հեծանիվ վարել, շատ զբոսնել եւ ժամանակ անցկացնել մաքուր օդին։

Լուսանկարները՝ Instagram/doutzen, jeromeduran



© NEWS.am STYLE