1945 թ-ի փետրվարի 6-ին լույս աշխարհ է եկել ճամայկացի հայտնի երաժիշտ ու երգիչ, ռեգգի ժանրի ամենահայտնի կատարող Բոբ Մարլին: Նրա շնորհիվ երաժշտության այս ոճը մեծ տարածում գտավ, ինչպես Ճամայկայում, այնպես էլ ամբողջ աշխարհում:
Նրա ամենահայտնի հիթերից են՝ «A lalala long», «No Women No Cry», «Is This Love», «Don't Worry Be Happy», «One Love» եւ այլն:
Երաժիշտը ռաստա կոչվող կրոնական շարժման հետեւորդ էր, ինչի պատճառով էլ հրաժարվել է ոտքի բութ մատի ամպուտացիայից, երբ նրա մոտ հայտնաբերել են մելանոմա:
Մարլին երկար է փորձել բուժվել հիվանդությունից, սակայն 1981 թ-ին մահացել է դրա պատճառով:
Այսօր ձեր ուշադրությանն ենք ներկայացնում Բոբ Մարլիի հայտնի եւ ոգեւորող մտքերից մի քանիսը:
«Մի շահիր աշխարհը՝ հոգիդ կորցնելու գնով: Իմաստությունն ավելի թանկ է, քան արծաթը կամ ոսկին»:
«Երաժշտության ամենադրական կողմերից մեկն այն է, որ երբ այն քեզ հարվածում է, ոչ մի ցավ չես զգում»:
«Ամեն մարդ ինքն իրավունք ունի որոշելու իր ճակատագիրը»:
«Ես միայն մի մեծ նպատակ ունեմ՝ ուզում եմ, որ բոլոր մարդիկ՝ սեւ, սպիտակ, չինացի… բոլորը միասին ու համերաշխ ապրեն»:
«Ես ոչ սեւ, ոչ էլ սպիտակ մարդկանց կողմից են: Ես միայն Աստծո կողմից եմ»:
«Այսօրվա ուրախ պահերը դառնալու են մեր վաղվա տխրությունը»:
«Շատերն են փորձելու քեզ ցավեցնել, դու, պարզապես, պետք է ընտրես, թե ում համար արժե տառապել»:
«Աստված ինձ ուղարկել է Երկիր մոլորակի վրա, որպեսզի ես մի բան անեմ, եւ ոչ ոք ինձ չի կարող կանգնեցնել: Եթե Աստված ցանկանա, ես կկանգնեմ, բայց երբեք չեմ ենթարկվի մարդկանց»:
«Միգուցե շատ ամիսներ եւ տարիներ պահանջվի, բայց ճշմարտությունը միշտ էլ ջրի երես է դուրս գալիս»:
«Ես մի ժամանակ եղել եմ այստեղ ու վերադառնալու եմ…»:
Լուսանկարը՝ Jamaicans.com