Սկանդալային էսկորտ մոդել Նաստյա Ռիբկան իրապատում-շոուի մասնակից է դարձել
19:19 6 փետրվարի, 2020Մոդել Նաստյա Ռիբկան (Անաստասիա Վաշուկեւիչ) դարձել է «Последний герой. Зрители против звезд» («Վերջին հերոս. հեռուստադիտողն ընդդեմ աստղերի») իրապատում-շոուի մասնակից, որը նկարահանվել է Ֆիլիպիններում։ Այս մասին Lenta.ru-ին հայտնել են «ТВ-3» հեռուստաընկերության մամուլի ծառայությունից, որով շոուն կհեռարձակվի։
«Ես ցանկանում եմ գոնե մի քանի օր լինել առանց հեռախոսի եւ առանց այն մարդկանց, որոնք մշտապես ինչ-որ բան են սպասում ինձանից... Հույս ունեմ, որ ինձ դուրս չեն անի առաջին օրը։ Դա ինձ համար արդեն հաղթանակ կլինի։ Բայց կարծես թե այնտեղ այդքան արագ դուրս չեն անում գեղեցիկներին»,- Նաստյայի խոսքերը մեջբերել է Life.ru-ն։
Աստղային թիմի կազմում են հայտնվել Նադեժդա Անգարսկայան, Նատալյա Բարդոն, Եվգենի Պապունաիշվիլին, Լուկերյա Իլյաշենկոն, ռեփեր Պտախան, Ալեքսեյ Վոեւոդան, Ելենա Պրոկլովան եւ Էրիկ Կիտուաշվիլին։
Նաստյա Ռիբկան հայտնիություն է ստացել, երբ սոցիալական ցանցերում տեղեկատվություն է հրապարակել ձեռնարկատեր Օլեգ Դերիպակսայի անձնական կյանքի մասին։ Գործարարը դատարան է դիմել, պահանջել ջնջել բոլոր լուսանկարներն ու տեսանյութերը։ Վակուշեւիչին եւ նրա ընկերոջը՝ Ալեքս Լեսլիին, 2018թ.-ի փետրվարին ձերբակալել են Թաիլանդում, իսկ 2019թ.-ի հունվարին օդանավով արտաքսել են Մոսկվա։