Սիրո բարեխոս Սուրբ Սարգսի տոնի առթիվ NEWS.am STYLE-ը սիրառատ բլից հարց ու պատասխան է ունեցել այժմ «Անհասցե ծնվածները» հեռուստասերիալում նկարահանվող Անուշկա Մարգարյանի հետ: Ներկայացնում ենք դերասանուհու հետ անկեղծ զրույցը՝ սիրտ կոտրելու ու սեփական սիրտը կոտրելու եւ հավերժ սիրելու մասին…
Սերը նման է…
Երեւի՝ մաքուր ջրի. սառեցնես, սառույց կդառնա, տաքացնես, կտաքանա: Եթե ուժեղ լինի, չես կարող դեմն առնել: Պարզ ու մաքուր է, եթե դրան ոչինչ չի խառնվում:
Ե՞րբ ես առաջին անգամ սիրահարվել:
Առաջին անգամ դպրոցում եմ սիրահարվել, բայց դա մանկական սիրահարվածություն էր: Վերջին դեպքն ավելի լավ եմ հիշում (ժպտում է):
Երբեւէ կոտրե՞լ ես որեւէ մեկի սիրտը:
Մտածված չեմ արել, բայց երբ սերն անպատասխան է լինում, այդպես ստացվում է: Ցավոք՝ եղել է նման դեպք ու ոչ մեկ անգամ...
Երբեւէ քո սիրտը կոտրե՞լ են:
Իմ սիրտը չի կոտրվում՝ պողպատից է (ծիծաղում է): Կարծում եմ՝ չկա մի մարդ, որի սիրտը կոտրված չլինի:
Սիրո մեջ աններելի է…
Սիրո մեջ աններելի ոչինչ չի կարող լինել, եթե, իհարկե, դա սեր է, այլ ոչ՝ առեւտուր: «Դու ինձ, ես՝ քեզ» մեխանիզմը շատերն են շփոթում սիրո հետ…
Սիրո դրսեւորման ամենագեղեցիկ ձեւը…
Ամենագեղեցիկ ձեւը հարաբերությունների մեջ միշտ աշխատելն է: Երբ միայն չես պահանջում, իսկ ինքդ հանգիստ նստում տեղդ…
Սիրո մասին ամենահուզիչ ֆիլմը…P.S. I Love You:
Այսօր սիրո՞ւմ ես:
Ե´վ երեկ, ե´ւ այսօր, ե´ւ վաղը՝ ես միշտ եմ սիրում (ժպտում է):
Եթե սեր չլիներ…
Չէր լինի կյանք:
Աղի բլիթ ուտո՞ւմ ես:
Աղի բլիթ արդեն երկու տարի է, ինչ ուտում եմ: Չեմ հավատում, ուղղակի հետաքրքրության համար եմ ուտում: Չեմ հավատում, որովհետեւ երազումս երկու տարի շարունակ նույն մարդուն եմ տեսել: Առաջին անգամ, երբ տեսա նրան, չէի ճանաչում, հիմա արդեն ճանաչում եմ (ծիծաղում է):
Սյունե Առաքելյան
Լուսանկարները՝ Անուշկա Մարգարյանի Facebook-ի էջից