38 տարեկանում կյանքից հեռացած երգչուհի Յուլյա Նաչալովայի հարազատները նրա կյանքի մասին գիրք են հրատարակել՝ «Յուլյա Նաչալովա. հոր նամակները դստերը»։ Աստղի հայրը՝ Վիկտորը Նաչալովը, այն գրել է նրա հորաքրոջ՝ Անտոնինա Վլադիմիրովայի հետ։
Նախորդ տարվա մարտին կյանքից հեռացած արտիստի հարազատները հիշել են նրա մանկությունը, դպրոցական տարիները եւ կարիերայի ճանապարհը։ Ի սկզբանե, ընտանիքը սպասում էր, որ տղա կծնվի, այդ պատճառով Յուլյայի ծնունդը անակնկալ է եղել։
Դստեր կյանքի վերջին օրերը Վիկտորն առանձնակի ցավով է հիշում։ Մեկ շաբաթվա ընթացքում Յուլյայի առողջական վիճակը վերջնականապես վատացել է։
Երգչուհու հայրը հավատում էր, որ նա ուշքի կգա արհեստական կոմայից հետո։ «Դու մարտիկ ես։ Դու կհաղթես հիվանդությանը։ Ամեն ինչ լավ կլինի»,- այս խոսքերով է նա Յուլյային դիմել հիվանդասենյակում։
Այդ պահին երգչուհին լաց է եղել. նրա փակ կոպերից արցունքներ են հոսել։ «Ինչո՞ւ էիր լաց լինում։ Դու գիտեի՞ր։ Գիտեի՞ր, որ հեռանալու ես մեզանից։ Ինչո՞ւ չզգուշացրիր, Յուլյա»,- հարցեր է հնչեցնում Վիկտոր Նաչալովը, որոնց արդեն հնարավոր չէ պատասխաններ գտնել…
Աղբյուրը՝ Cosmo
Լուսանկարները՝ Instagram