Ինչպե՞ս հունից հանել տղամարդուն

Քննադատիր նրան, ընդ որում ամենուր, անընդհատ և ցանկալի է բոլորի ներկայությամբ: Քննադատիր նրա հագնվելու ոճը, նրա՝ մեքանա վարելու ունակությունը, թե ինչպես է նա ծխում, սիրով զբաղվում, պատմում անեկդոտներ, քայլում, պարում, ուտում, խմում, խռռացնում և քիթը փորում: Անընդհատ նրան ծաղրական   դիտողություններ արա և քնքուշ խայթող խոսքեր ասա: Օրինակ՝  հիանալի էր և այդքան էլ երկար չտևեց: Նույնիսկ քրտնել չհասցրեցինք, սիրելի՛ս, դու, ինչպես միշտ, բարձունքի վրա էիր։

Միշտ նրան հրամայիր , թե ինչ անի: Հատկապես քո հրահանգները տեղին կլինեն, երբ նա մեքենա է վարում, փոշեկուլ  անում, միս  կտրատում և ընտրում նոր խոտհնձիչ մեքենա:

Համեմատիր նրան այլ տղամարդկանց հետ, կարևոր չէ թե ում՝ հոր, եղբոր, հորեղբոր, հարևանի, գործընկերների, ֆինանսների տնօրենի թե նախագահի:

Կարևորը, որ համեմատությունները լինեն ակնհայտ և նրա օգտին: Հատկապես, հաջող կստացվի  Ձեր նախկին սիրեկանների հետ նրան համեմատելը: Անկեղծ խոսիր նրա հետ: Պարզիր արդյոք նա սիրում է քեզ ինչպես առաջ, ցանկանում է քեզ այնքան ուժգին, ինչպես առաջ էր: Տվյալ պարագայում տեղին են հետևյալ հարցերը.  իսկ դու ինձ  սիրո՞ւմ ես։ Իրո՞ք սիրում ես։ Իսկ ինչքա՞ն ես սիրում։ Ավելի շատ, քան նախկինի՞դ: Այստեղ կարևոր է այս հարցերը տալ յուրաքանչյուր ազատ վայրկյանի՝ սեռական հարաբերության , ֆուտբոլային հեռարձակման և գործընկերների հետ ունեցած գործնական կարևոր  հանդիպումների ժամանակ: Կարգի բեր նրա աշխատանքային սեղանը, դասաավորիր գրքերը այբբենական կարգով, գրիչներն ՝ ըստ գույների, ձայնարկիչներն՝ ըստ  բովանդակության, թղթերը՝ կոկիկ դարակներում: Իսկ եթե քո ամուսնուն բարկացնելու անհագ ցանկությամբ ես վառվում, ապա  պոկիր իրար կպցված թղթերը, հետո  դեն նետիր  բոլոր քիչ թե շատ կարևոր ինֆորմացիայով փակցված թղթերը՝ (օրեր, հեռախոսահամարներ, հանդիպման վայրեր):