Ամերիկացի դերասան Զաք Գոթզագենը, որը տառապում է Դաունի համախտանիշով, մտել է «Օսկար» մրցանակաբաշխության պատմության մեջ։ Նա Շայա Լաբաֆի հետ բարձրացել է կինոմրցանակաբաշխության բեմ՝ հայտարարելու «Լավագույն խաղարկային կարճամետրաժ ֆիլմ» անվանակարգում դափնեկիրների անունները։
«Օսկար»-ի 92-ամյա պատմության ընթացքում սա առաջին դեպքն էր, երբ Դաունի համախտանիշով տառապող մարդը հանձնել է հեղինակավոր կինոմրցանակը։
Հաղթող են դարձել ռեժիսոր Մարշալա Քարիի «The Neighbors' Window» («Հարեւանների պատուհանը») ֆիլմի ստեղծողները։ 24-Lifestyle-ի հաղորդմամբ՝ Զաքը նախ սխալ է հայտարարել ֆիլմը՝ այն անվանելով «Հարեւանների այրին», Շայան արագորեն ուղղել է նրան, եւ նրանք միասին հաղթողներին են հանձնել ցանկալի մրցանակը։
Լուսանկարները՝ Getty Images