««Է» եւ «Օ» տառերի հոբելյանը». Տիմուր Բատրուդինովը 42 տարեկան է

10:26   12 փետրվարի, 2020

Comedy club-ի անդամ, Գարիկ Բուլդոգ Խառլամովի զուգընկեր, համակրելի Տիմուր Բատրուդինովը նշել է ծննդյան 42-ամյակը։

Բատրուդինովն Instagram-ում շնորհավորանքներ է ստացել ընկերներից ու գործընկերներից։ Առաջիններից մեկը նրան շնորհավորել է Օլգա Բուզովան, որին Տիմուրի հետ սիրավեպ էին վերագրում։ Պարզվեց՝ դրանք միայն ասեկոսեներ են։ Ավաղ…

Ինչո՞ւ ավաղ։ Քանի որ Բարտուդինովի, կամ ինչպես նրան նաեւ անվանում են Բատրայի շատ երկրպագուներ, ցանկանում էին տեսնել նրա ու Օլգայի միությունը։ Նրանք իրենց երջանկությունը որոնել են նույնիսկ «Պլան Բ» («План Б») ծրագրի շրջանակներում, սակայն այդպես էլ չեն գտել։ Ավելի ճիշտ, Բուզովան, կարծես թե, սիրավեպ ունի հայ բլոգեր Դավիթ Մանուկյանի հետ, իսկ Բատրուդինովի դեպքում դեռ նորություն չկա…

«Մենք այնքան երկար տարիներ ենք ընկերություն անում, այնքան բանի միջով ենք անցել ու վերապրել, բայց միշտ աջակցում ենք միմյանց, եւ ես երջանիկ եմ, որ կարողացել ենք այսքան ջերմ հարաբերություններ պահպանել։ Խնդրում եմ, երջանիկ եղիր։ Իսկ ես միշտ կողքիդ եմ, իմ ընկեր, մի զանգի հեռավորության վրա»,- գրել է Բուզովան։

Տիմուրը նրան պատասխանել է. «Օլյուսիկ, ես ու դու կապված ենք ինչ-որ անհավանական մենթալ կապով։ Տարիները մեզ արդեն ստուգել են»։

View this post on Instagram

A post shared by Гарик Мартиросян (@martirosian_official) on

Բատրուդինովը ծննդյան օրը նշել է Փարիզում։ Հանպատրաստից տոնի ընթացքում արված տեսանյութն Instagram-ում հրապարակել է շոումեն Գարիկ Մարտիրոսյանը։ «Այս րոպեներին Փարիզում մեծ թափով անցկացվում է «Է» եւ «Օ» տառերի հոբելյանը»,- այսպես է նա մակագրել հրապարակումը։ Իսկ թե ինչու, տեսեք ինքներդ…

Աղբյուրը եւ լուսանկարները՝ Instagram, Men's Health



© NEWS.am STYLE