KFC x Crocs. երազանքի համագործակցությո՞ւն, թե աշխարհի ամենավատ կոշիկը

Crocs-ի հողաթափերի վրա KFC-ի թեւիկները «պառակտել են» աշխարհը։ Նյու Յորքում նորաձեւության շաբաթվա ընթացքում ներկայացրել են հավի թեւիկների զամբյուղի տեսքով կոշիկները, որոնք հենց դրա հոտն ունեն։ Գարնանը կոշիկների սահամանփակ քանակը կվաճառվի 60 դոլարով։

«Սիրո՞ւմ ես համաշխարհային ճանաչում ունեցող տապակած հավ։ Սիրո՞ւմ ես Crocs։ Սիրո՞ւմ ես գնդապետ Սանդերսին։ Այդ դեպքում ողջույն, մենք քեզ համար ինչ-որ բան ունենք։ Վերջապես։ Ձեր երկու սիրելի ապրանքանիշերը հավերժացվել են մեկում՝ ապացուցելու համար, որ համագործակցությունը կայացել է»,- համաշխարհային ճանաչում վայելով «քրոսքերի» կայքը դիմում է գնահատողներին։

«Սնունդում չօգտագործելու համար» վերնագրով հոլովակում աղջիկը կոշիկը հանում է սաստիկ եռացող ջրից։ Կոշիկի վերնահատվածը տապակած հավի է նման։ Կոշկատակը նման է KFC-ի՝ կարմիր ու սպիտակ տուփին։

Was getting tired of my @Crocs not being on the cover of @papermagazine. Yes, they are real.

— KFC (@kfc) February 12, 2020

«Հոգնեցրել է, որ իմ «քրոքսերը» չեն հրապարակվել «Paper» ամսագրի շապիկին։ Այո՛, դրանք իրական են»,- նշված է Twitter-ում KFC-ի պաշտոնական էջում։

Fashion is Dead. Long Live Fashion: @KFC and @Crocs Have Joined Forces to Create the Ultimate Fried Chicken Footwear https://t.co/iL749SDzUZ

— Jeffrey Spivock (@JeffRetail) February 13, 2020

Հնարավոր չէ փոխանցել կոշիկի սիրահարների շոկը։ «Նորաձեւությունը մահացել է։ Կեցցե նորաձեւությունը»,- գրել է մարկետինգի մասնագետ Ջեֆրի Սպիվոկը։

Աղբյուրը՝ BBC