«Գեղեցիկ զույգ»․ Մերի Մակարյանի եւ ամուսնու նոր լուսանկարը
17:43 15 փետրվարի, 2020Մերի Մակարյանը վերջերս այնքան էլ ակտիվ չի վարում միկրոբլոգի իր էջը, ուշ-ուշ, բայց նոր հրապարակումներ է կատարում՝ ամուսնու հետ գրկապառնված, ժամանցը նկարագրող լուսանկարներ ու տեսանյութեր:
Ամուսնությունից հետո Լոս Անջելեսում բնակություն հաստատած հաղորդավարուհի, դերասանուհին Մերի Մակարյանն Instagram-ի իր էջում նոր լուսանկար է հրապարակել, որում ներկայացել է ամուսնու՝ Վարդանի հետ։ Զույգը կրում է սեւ հանդերձանք, նրանք ջերմ գրկախառնված են։ Հրապարակմանը կից Մերին գրառում չի կատարել, սակայն երկրպագուներն ու հետեւորդները դրական ու ջերմ խոսքեր են հղել նրանց՝ գրելով․ «Գեղեցիկ զույգ», «Շատ համահունչ զույգ», «ամենալավ զույգը»։
Ավելի վաղ հրապարակած կադրում հաղորդավարուհին ներկայացել էր վառ դիմահարդարմամբ․ ընդգծված ու արտահայտիչ աչքեր, մեղմ շուրթեր։ Մերին կրում էր զոլավոր հանդերձանք։ Հաղորդավարուհու կերպարն ամբողջացրել էին աքսեսուարները։ Երիտասարդ մայրիկը հրապարակմանը կից գրառում չէր կատարել։