«Ռոնալդուին մնում է միայն լաց լինել». Իրինա Շեյքի բնական գեղեցկությունը (ֆոտո)

Կրիշտիանու Ռոնալդուի եւ Բրեդլի Քուփերի նախկին սիրելիին իրավացիորեն համարում են մեր ժամանակների ամենագեղեցիկ կանանցից մեկը։

Իրինան հայտնի ապրանքանիշի համար գովազդային արշավից ոճային կադր է հրապարակել։ Ռուս հայտնի գեղեցկուհին կիսաթափանցիկ, կանաչ գույնի բլուզ է կրում, որը ներդաշնակ է նրա աչքերի գույնի հետ։ Հագուստը երկրորդ մաշկի նման ընդգծել է նրա սլացիկ կազմվածքը։ Շեյքը ներկայացել է գրեթե առանց դիմահարդարման՝ ցույց տալով իր բնական գեղեցկությունը։

Իրինայի երկրպագուները հիացել են նրա հմայիչ կերպարով։ «Իսկական թագուհի», «դուք աննկարագրելի գեղեցկություն ունեք», «Ռոնալդուին մնում է միայն լաց լինել», «առեղծվածային ջրահարս», «անհուն աչքեր», «աշխարհում ձեզանից հիասքանչ կին չկա»,- մեկնաբանություններում գրել են Շեյքի հետեւորդները։

Թոփ-մոդելի կյանքում հիմա թեժ շրջան է։ Նա ցուցադրությունների է մասնակցում Լոնդոնում Նորաձեւության շաբաթվա շրջանակներում, որտեղ աշուն-ձմեռ 2020 հավաքածուներն են ներկայացնում շատ երկրների լավագույն դիզայներներ։

Աղբյուրը՝ Instagram, Cosmo, E!News