Արքայազն Հարրին եւ Մեգան Մարքլը մարտի 31-ին կդադարեն կատարել թագավորական պարտականությունները
15:22 20 փետրվարի, 2020Արքայազն Հարրին եւ նրա կինը՝ Մեգան Մարքլը, մարտի 31-ից կդադարեն կատարել թագավորական պարտականությունները, հայտնում է Daily Mail -ը՝ վկայակոչելով նրանց պաշտոնական ներկայացուցչին:
Հրատարակության տեղեկատվության համաձայն Սասեքսի դուքսերը Բուքինգհեմյան պալատում գրասենյակը կփակեն ընթացիկ տարվա ապրիլի 1-ին: Սպասվում է, որ ամուսինները հաջորդ մի քանի ամիսների ընթացքում պարբերաբար կլինեն Մեծ Բրիտանիայում։
Մարտի 5-ին ամուսինները կայցելեն բարեգործական հիմնադրամ, իսկ հաջորդ օրը Սասեքսի դուքսը Սիլվերսթոունում կհանդիպի ավտոարշավորդ Լյուիս Հեմիլթոնի հետ: Մարտի 7-ին նրանք կայցելեն Mountbatten Festival of Music երաժշտական փառատոն, իսկ մարտի 8-ին Մարքլը կնշի կանանց միջազգային օրը: Մարտի 9-ին արքայազն Հարրին եւ Մեգան Մարքլը կմիանան Եղիսաբեթ II թագուհուն եւ թագավորական ընտանիքին՝ Վեսթմինսթերյան աբբայությունում համագործակցության օրը նշելու համար:
Արքայազն Հարրին եւ Մեգան Մարքլը որոշել են հրաժարվել իրենց լիազորություններից հունվարի սկզբին եւ ապրել երկու երկրում՝ Բրիտանիայում եւ ԱՄՆ–ում: Եղիսաբեթ 2-րդ թագուհին ոչ անմիջապես, բայց աջակցել է որոշումը։
Լուսանկարները՝ Getty images