Ո՞վ է երկմտում ոճափոխության շուրջ, եւ ո՞ւմ սիրելին է «մահու չափ» սիրում իրեն. Instagram-ն՝ այս շաբաթ (ֆոտո/վիդեո)
14:04 22 փետրվարի, 2020Այսօր շաբաթ է, ինչը նշանակում է եկել է ճիշտ ժամանակն ամփոփելու այն բոլոր հետաքրքիր հրապարակումները, որոնք այս շաբաթ տեղ են գտել հայտնիների ինստագրամյան էջերում:
Իսկ նրանք շարունակում են ջերմություն եւ սեր տարածել...
Անահիտ Սիմոնյանն, օրինակ, ընտանեկան ջերմ կադրով է կիսվել, որում պատկերված են որդին եւ հայրը:
Սիլվա Հակոբյանն էլ հրապարակել է դստեր եւ քրոջ՝ հայտնի երգահան Մանե Հակոբյանի լուսանկարը:
Սննդաբան Լիլիթ Բասյանը շարունակում է հետեւորդների հետ կիսվել իր եւ որդու լուսանկարներով, որոնց կից Լիլիթը, սովորաբար, անկեծ գրառումներ է կատարում՝ որդու հանդեպ իր մեծ սիրո մասին:
«Ալեքսի սերն ինձ թեւեր ու նրբության զգացում է տալիս: Ես վստահ եմ, երբ տղաս մեծանա, կարող է երջանկացնել ցանկացած կնոջ: Ալեքս, դու իմ արեւն ես, միշտ ջերմացրու ինձ»,-նոր հրապարակմանը կից գրել է նա:
Դերասանուհի Շուշաննա Թովմասյանը հաճախ չի սիրում կիսվել իր անձնականով, սակայն օրերս «Սիրուն Սոնան» բացառություն է արել՝ հրապարակելով իր եւ ամուսնու՝ ռեժիսոր Վահե Սայանի սիրառատ լուսանկարը՝ «Սերը գեղեցիկ է»,-գրառմամբ:
Ամենասկանդալային Լիլի Մորտոն արդեն երկար ժամանակ է, ինչ վայելում է սերը: Դա նկատելի է նաեւ շիկահերի վերջին հրապարակումներում, որոնցում նա հիմնականում սիրելիի հետ է: Իր հրապարակած հերթական տեսանյութում Լիլին ցույց է տալիս ընտրյալի հետ ջերմ գրկախառնությունը, իսկ վերջինն էլ տեսախցիկի առաջ խոստովանում է՝ «Մի օր նրան սպանելու եմ, պարզապես նրա համար, որ նա կա»:
Посмотреть эту публикацию в Instagram
Մինչ վերը նշված հայտնիները կիսվում էին իրենց սիրաշատ կադրերով, դերասանուհի Մարիամ Ալեքսանյանը հետաքրքիր լուսանկար է հրապարակել, որում միշտ ժպտերես Մարիամը դեմքի լուրջ արտահայտությամբ է: Դերասանուրհին ինքն էլ հումորով է մոտեցել իր հրապարակմանը՝ դրան կից գրելով. «Այս մուննաթ դեմքը գուշակիր ի՞նչ է ուզում»:
Դե, ինչպես ամեն շաբաթ, այս շաբաթ էլ եղան հայտնիներ, որոնք առանձնացան ոճային կերպարներով:
Նրանցից մեկը նորաթուխ մայրիկ Մարտան է: Երգչուհին միշտ աչքի է ընկել յուրահատուկ ոճով: Նոր հրապարակման մեջ էլ Մարտան նորաոճ հագուստ եւ գույներ է ընտրել՝ նա զոլավոր վերնաշապիկ է կրում, որի հետ համադրել է նույն գույնի գլխազարդը:
Իսկ ԱՄՆ-ում բնակվող երգչուհի Արմինկան նոր վարսահարդարում է ընտրել: Երգչուհին որոշել է մազափունջ կտրել: Լուսանկարին կից Արմինկան խոստովանել է՝ «Երբ երկար մտածում ես՝ անել, թե չանել, վերջապես անում ես, ու հետո մտածում՝ իսկ արժե՞ր անել»:
