HBO-ն հայտնել է «Ընկերներ» սերիալի նոր դրվագի թողարկման մասին
16:17 22 փետրվարի, 2020«Ընկերներ» սերիալի նոր էպիզոդը կթողարկվի 2020 թվականի մայիսին, հաղորդում է Warner Media կայքը:
Սերիայում նկարահանվելու են սերիալի բոլոր աստղերը՝ Ջենիֆեր Էնիսթոնը, Քորթնի Քոքսը, Լիզա Կուդրոուն, Մեթյու Փերին, Մեթ Լեբլանը եւ Դեւիդ Շվիմերը: Նոր դրվագի ռեժիսորը Բեն Ուինսթոնն է։
Դրվագը հասանելի կլինի HBO Max սթրիմինգային հարթակում։
«Ընկերները» ամերիկյան կատակերգական սերիալ է՝ Մանհեթենում վեց ընկերների կյանքի մասին։ Շարքը թողարկվել է 1994թ․-ից մինչեւ 2004թվականը:
Ընդհանուր առմամբ նկարահանվել է 10 եթերաշրջան՝ ընդհանուր առմամբ 236 դրվագ։ Սերիալն ու դերասաններն արժանացել են բազմաթիվ մրցանակների, այդ թվում՝ վեց «Էմմի» եւ «Ոսկե գլոբուս» մրցանակների:
Աղբյուրը՝ Ria.ru