Ի՞նչ են հայտնիները տեղադրել իրենց ինստագրամյան էջերում, ի՞նչ նորություններով են կիսվել եւ ո՞վքեր են այս շաբաթ ներկայացել ոճափոխություններով: Եթե ձեզ հետաքրքրում են այս հարցերի պատասխանները, բայց ինչ-ինչ պատճառներով շաբաթվա ընթացքում չեք հասցրել հետեւել ձեր սիրելի հայտնիների համացանցային ակտիվությանը, առաջարկում ենք շարունակել ընթերցել մեր այս խորագիրը, որի նպատակը Instagram-ն ամփոփելն է:
Փորձը ցույց է տալիս, որ հանրությանը հատկապես հետաքրքրում են հայտնիների հրապարակումներն ընտանիքի անդամների հետ: Սոֆի Դեւոյան կրտսերն այդ առումով վերջերս բավական ակտիվ է սոցիալական ցանցի իր էջում: Նա նոր ֆոտոշարք է իրականացրել մայրիկի՝ Զարուհի Բաբայանի հետ, իսկ կադրերով պարբերաբար կիսվում է համացանցում:
Երգչուհի Մարտան էլ հաճախ ուրախացնում է իր երկրպագուներին՝ ներկայացնելով որդու՝ փոքրիկ Նեոյի հետ սելֆիները: Եվ, իսկապես, ինչպե՞ս կարող է Նեոն չբարձրացնել ձեր տրամադրությունը:
Իսկ դերասանուհի Տաթեւիկ Ադումյանը հետեւորդներին զարմացրել է իր գեղեցիկ եւ երիտասարդ մայրիկի հետ սելֆիով:
Ալինա Մարտիրոսյանն ու ամուսինը՝ Կարեն Արայանը, այս շաբաթ ջերմ լուսանկարներ էին հրապարակում՝ ցրտաշունչ ձմռան ֆոնին:
Դերասան Սարգիս Գրիգորյանի կինը՝ Մանո Գրիգորյանը, օրերս ներկա է եղել երգչուհի-դերասանուհի Աննա Դովլաթյանի ծննդյան խնջույքին: Մանոն լուսանկար է հրպարակել մայրանալ պատրաստվող Աննայի հետ՝ այն մակագրելով՝ «Չկա ավելի գեղեցիկ մեկը, քան հղի կինը»:
Երգչուհի Էմմին, որը երկար ժամանակ է՝ բնակվում է ԱՄՆ-ում, հետեւորդներին ներկայացել է բնական տեսքով: Իր հրապարակած կադրում Էմմին դիմահարդարում չի կրում:
Շաբաթը զերծ չի մնացել ոճային փոփոխություններից. դերասանուհի Սոֆյա Պողոսյանն իրեն փորձել է սեւահերի կերպարում, իսկ թխահեր Ադրիանա Գալստյանն էլ շիկահերի դերում է ներկայացել:
ԱՄՆ-ում բնակվող երգչուհի Լիլուն մազերի գույնը չի փոխել, բայց փոխել է դրանց չափսն ու ներկայացել ավելի կարճ սանրվածքով:
Դե, մեկնաբանեք՝ ում որ կերպարն է ավելի սազո՞ւմ: