Giorgio Armani-ն կորոնավիրուսի դեմ պայքարին 1.25 մլն եվրո է նվիրաբերել
14:12 10 մարտի, 2020Իտալական Giorgio Armani բրենդը 1.25 մլն եվրո է հատկացրել կորոնավիրուսի դեմ պայքարին։ Այս մասին բրենդի ներկայացուցիչները հայտարարել են մարտի 8-ի երեկոյան, երբ Իտալիայում կորոնավիրուսով վարակվածների թիվը գերազանցել է 7300-ը։ Միջոցները նախատեսված են Հռոմի եւ Միլանի հիվանդանոցների, ինչպես նաեւ Իտալիայի քաղաքացիական պաշտպանության դեպարտամենտի համար: Ինչպես հաղորդում է Reuters գործակալությունը, այժմ Giorgio Armani ապրանքանիշի աշխատակիցների մեծ մասն աշխատում է տանից, իսկ արտադրությունում՝ նրանց փոքր մասը։
Ավելի վաղ Միլանում կորոնավիրուսի համաճարակի պատճառով Ջորջո Արմանին որոշել էր աշուն-ձմեռ 2020/2021 հավաքածուի ցուցադրությունն անցկացնել դատարկ թատրոնում: Շոուն հրապարակվել է բրենդի Instagram եւ Facebook պաշտոնական կայքում:
Աղբյուրը՝ Theblueprint.ru
Լուսանկարը՝ GettyImages