Գիտեի՞ք արդյոք. «Վերադարձ դեպի ապագա 3». 11 հետաքրքիր փաստեր ֆիլմի մասին

NEWS.am STYLE-ը շարունակում է հետաքրքիր փաստեր ներկայացնել հայտնի ֆիլմերի մասին։ Այսօր կխոսենք 1990թ.-ի Ռոբերտ Զեմեկիսի «Վերադարձ դեպի ապագա 3» ժապավենի մասին։ Եվ այսպես…

1. Եռերգության երկրորդ եւ երրորդ մասերը միաժամանակ են նկարահանվել։ Նկարահանումները տեւել են 11 ամիս։

2. Բաց երկնքի տակ կինոթատրոնը, որը հատուկ կառուցվել է ֆիլմի համար, նկարահանումներից հետո քանդել են՝ էկրանին այդպես էլ ոչ մի ֆիլմ ցույց չտալով։

3. Երբ Մարտին վերջնականապես վերադառնում է 1985թ., նա մոտավորապես 14 օրով, 3 ժամով եւ 27 րոպեով ավելի մեծ է, քան պետք է լինի։

4.«Վերադարձ դեպի ապագա 3»-ը դարձել է առաջին ժապավենը, որի սկզբում հայտնվել է «Universal»-ի 75-ամյակի լոգոտիպը։ Այն գոյություն է ունեցել մինչեւ 1997թ.-ը։

5. Ֆիլմի ստեղծողները Քլինթ Իստվուդից թույլտվություն են խնդրել նրա անունը ժապավենում օգտագործելու համար։ Քլինթի ինքնասիրությունը շոյվել է վեստերնների բազմաթիվ հորսներին հղումներով, որոնք մարմնավորել էր, ու նա համաձայնել է։

6. 3-րդ մասի չարագործի անունը Կատաղած շուն է, ինչպես եւ «Wild Gunman» խաղում, որը «Վերադարձ դեպի ապագա 2» ֆիլմում խաղում է Մարտին։

7. «Վերադարձ դեպի ապագա 3»-ի նկարահանման օրվա ավարտից հետո Ռոբերտ Զեմեկիսը մեկնում էր Լոս Անջելես՝ «Վերադարձ դեպի ապագա 2»-ի համար ձայնի մոնտաժը հաստատելու համար։ Հաջորդ օրը Զեմեքիսը ետ էր վերադառնում Հյուսիսային Կալիֆոռնիա՝ «Վերադարձ դեպի ապագա 3»-ի նկարահանումները շարունակելու համար։ Եվ այսպես գրեթե երեք շաբաթ։

8․ Նկարահանումների ընթացքում մահացել է Մեյքլ Ջեյ Ֆոքսի հայրն ու ծնվել որդին:

9. Բոբ Գեյլն ու Ռոբերտ Զեմեկիսը որոշել են, որ առաջին երկու ժապավենները շատ են շեշտադրել Մարտիին։ Այդ պատճառով երրորդ ֆիլմում որոշում է կայացվել հանդիսատեսի ուշադրությունը կենտրոնացնել Դոկի վրա։

10․ Դոկի եւ Կլարայի համբույրը Քրիստոֆեր Լլոյդի առաջին համբույրն էր նրա ամբողջ կարիերայի ընթացքում:

11. Երբ Մարտին կանգնած է հայելու առաջ եւ սովորում է խլել ատրճանակը, նա իր արտացոլանքին հարցնում է. «Այդ դու ասացի՞ր ինձ»։ Դա ուղիղ հղում է «Տաքսիստ» ֆիլմին (1976)։

Նորայր Նազարյան