Ե՛վ պաշտպանություն, ե՛ւ ուտելիք. Ռուսաստանից հայ տղամարդը «համեղ» դիմակ է մտածել կորոնավիրուսի դեմ
17:58 19 մարտի, 2020Սարատովից հայ խոհարար Գեւորգ Աբգարյանը զվարճալի տեսանյութ է ներկայացրել, որում համեղ դեղամիջոց է պատրաստել կորոնավիրուսի դեմ, իսկ դիմակի փոխարեն լավաշ է օգտագործել։ Տեսանյութը մարտի 17-ին հրապարակվել է նրա YouTube-յան ալիքում։
«Саратов 24» հեռուստաալիքին տված հարցազրույցում հոլովակի հեղինակը պատմել է, որ տեսանյութ ձայնագրելու գաղափարն առաջացել է համընդհանուր հիստերիայի ֆոնին, որը կապված է ինֆեկցիոն հիվանդության տարածման հետ։
Նրա խոսքով՝ մարդիկ մի փոքր խուճապի են մատնվել եւ մոռացել այն մասին, որ երբեմն հարկավոր է ժպտալ, կատակել եւ սարսափելի բաներին հումորով մոտենալ։ Աբգարյանը հույս ունի, որ իր տեսանյութը մարդկանց կօգնի թեթեւանալ եւ տեղի ունեցողին դրական նայել։
Բացի այդ՝ Գեւորգը պատմել է, թե ինչպես է պաշտպանվում կորոնավիրուսից։ Նա ուտելիքը պատրաստում է ձեռնոցով, պարբերաբար ախտահանում է տարածքները, ինչպես նաեւ հականեխիչներ օգտագործում եւ հաճախ լվանում ձեռքերը։ Հոլովակի հեղինակը վստահ է, որ դրական տրամադրվածությունը կօգնի հաղթահարել ցանկացած հիվանդություն, իսկ վշտացած եւ խուճապի մատնված մարդիկ հեշտությամբ կարող են վարակի զոհ դառնալ։