Անջելինա Ջոլիի դուստրը ցանկացել է կարանտինն անցկացնել հոր հետ․ The Mirror
10:14 28 մարտի, 2020Բրեդ Փիթը երկար ժամանակ ձգտում էր ավելի հաճախ տեսնել երեխաներին, բայց հիմա իրենք են ձգտում լինել նրա հետ։
ԱՄՆ-ում կարանտին է սահմանվել կորոնավիրուսի տարածումը կանխելու համար։ Շատ հայտնի մարդիկ, այդ թվում Անջելինա Ջոլին եւ Բրեդ Փիթը, իրենց հոլիվուդյան առանձնատներում անցել են ինքնամեկուսացման ռեժիմի։ Սակայն զույգի հարազատ երեխաները չեն ուզում այդ ժամանակն անցկացնել իրենց մոր հետ, նրանք այժմ ավելի շատ ցանկանում են լինել իրենց հայրիկի կողքին։
«Նրանք երջանիկ են, որ կարող են որքան ասես լինել Բրեդի հետ։ Նրա տանը երեխաներն ավելի հանգիստ են, նրանք իրենց ավելի պաշտպանված են զգում։ Բրեդն, իհարկե, ուրախ է տեսնել նրանց։ Սակայն որոշում կայացնողը Էնջին է», - պատմել է դերասանի ընկերը։
56-ամյա Փիթի ժառանգներին նույնիսկ դուր է գալիս նրան օգնել տան մաքրման հարցում։ Նրանք չեն հակաճառում Բրեդին, երբ նա խնդրում է դասերը սովորելուց հետո զբաղվել տնային գործերով։
Հոր մոտ հատկապես ձգտում է հայտնվել 13-ամյա Շայլոն։ Նա Ջոլիին խնդրում է, որպեսզի թողնի գնա Փիթի մոտ։ Նրա եւ դստեր միջեւ հատուկ կապ կա, որի շնորհիվ աղջիկը հեշտությամբ է ապրում նույնիսկ ամենածանր ժամանակները, հաղորդում է The Mirror-ը: